ବଢୁଛି ରକ୍ତ ସଙ୍କଟ, କୋଭିଡ ମହାମାରୀ ଯୋଗୁଁ କମିଛି ରକ୍ତ ସଂଗ୍ରହ

କୋରୋନା ମହାମାରୀ ଯୋଗୁଁ ହସ୍ପିଟାଳରେ ଦେଖିବାକୁ ମିଳିଛି ରକ୍ତ ଜନୀତ ସମସ୍ୟା । କୋଭିଡ ପାଇଁ ରାଜ୍ୟରେ ହୋଇପାରିନି ରକ୍ତଦାନ । ଅଧିକ ପଢନ୍ତୁ...

କଟକ: କୋଭିଡ ସମୟରେ ରକ୍ତର ଅଭାବ ଦୃଶ୍ୟମାନ ହେଉଛି । ସାଧାରଣତଃ ଯେତିକି ୟୁନିଟ ରକ୍ତ ସଂଗ୍ରହ ହୋଇଥାଏ ତା ଠାରୁ ବହୁତ କମ ସଂଖ୍ୟକ ୟୁନିଟ ରକ୍ତ ସଂଗ୍ରହ ହେଉଛି । ଅନେକ ସଂସ୍ଥା ତଥା ବିଭିନ୍ନ ସଙ୍ଗଠନ ପକ୍ଷରୁ ରକ୍ତଦାନ ଶିବିରର (Blood Donation Camp) ଆୟୋଜନ କରାଯାଇ ତାହା ମାଧ୍ୟମରେ ରକ୍ତ ସଂଗ୍ରହ କରାଯାଉଛି । ତଥାପି ରକ୍ତର ଅଭାବ ଦେଖିବାକୁ ମିଳିଛି ।

ଏନେଇ ଜାତୀୟ ରକ୍ତଦାତା ମହାସଂଘର ଉପ ସଭାପତି କହିଛନ୍ତି କି କୋରୋନା ମହାମାରୀ ଯୋଗୁଁ ସଠିକ୍ ଭାବରେ ରକ୍ତଦାନ ଶିବିରର ଆୟୋଜନ ହୋଇପାରି ନଥିବା ବେଳେ କୋଭିଡ ନିୟମ ପାଳନ ଯୋଗୁଁ ରକ୍ତଦାନ କାର୍ଯ୍ୟକ୍ରମ ସମ୍ଭବପର ହୋଇନଥିଲା । 18 ରୁ 44 ବର୍ଷ ବୟସ୍କ ବ୍ୟକ୍ତିମାନେ ଅଧିକ ରକ୍ତଦାନ କରୁଥିବା ବେଳେ ସରକାରଙ୍କ ତରଫରୁ ଏହି ବର୍ଗର ଲୋକଙ୍କୁ ଟିକାକରଣ କରାଯାଉଥିବାରୁ ରକ୍ତଦାନ ନେଇ ବିଶେଷ ଭାବରେ ସମସ୍ୟା ଦେଖାଦେଇଥିଲା ।

କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ