କଟକ: ଦିନକୁ ଦିନ ରାଜ୍ୟରେ ଦୁର୍ନୀତି ତଥା ଅସାମାଜିକ କାର୍ଯ୍ୟ କଳାପ ବୃଦ୍ଧିପାଇବାରେ ଲାଗିଛି । ଏପରିକି ଅନେକ ସରକାରୀ ଯୋଜନା ମଧ୍ୟ ବାଟମାରଣା ହେଉଛି । ପ୍ରକୃତ ହିତାଧିକାରୀଙ୍କ ନିକଟରେ ସରକାରୀ ଯୋଜନା ପହଞ୍ଚିବା ଅନେକ ସମୟରେ ବିଫଳ ହେଉଛି । ଫଳରେ ଜନସାଧାରଣ ସିଧାସଳଖ ପ୍ରଭାବିତ ହେଉଛନ୍ତି । ତେଣୁ ଏହି ସମସ୍ୟାର ସମାଧାନ ପାଇଁ ଆରମ୍ଭ ହୋଇଛି ସୂଚନା ଅଧିକାର ଆଇନ ପ୍ରଶିକ୍ଷଣ ଶିବିର ।
ଦୁର୍ନୀତି ରୋକିବ 'ସୂଚନା ଅଧିକାର ଆଇନ ପ୍ରଶିକ୍ଷଣ'
ଓଡିଶାର ବିଭିନ୍ନ ସ୍ଥାନରେ ଏହି ତାଲିମ ଶିବିର ଆରମ୍ଭ କରିବାକୁ ଆଜି(ଶନିବାର) କଟକରେ ନିଷ୍ପତ୍ତି ନିଆଯାଇଛି । ଏହି ଶିବିର ମାଧ୍ୟମରେ ଜନସାଧାରଣଙ୍କୁ ଆଇନ ବାବଦରେ ପ୍ରଶିକ୍ଷଣ ଦିଆଯିବ । ସେହିପରି ଏହା ମାଧ୍ୟମରେ ଲୋକେ ବିଭିନ୍ନ ସରକାରୀ ଯୋଜନା ବାବଦରେ ଜାଣିପାରିବା ସହ ସେମାନଙ୍କ ସହ ହେଉଥିବା ଦୁର୍ନୀତି ବାବଦରେ କିଭଳି ଅଭିଯୋଗ କରିପାରିବେ ସେନେଇ ସୂଚନା ଦିଆଯିବ ।