କଟକ: ଆରମ୍ଭ ହେଲା ଆନ୍ତଃବିଦ୍ୟାଳୟ ଫୁଟବଲ ପ୍ରତିଯୋଗିତା । ୧୭ ବର୍ଷରୁ କମ ଉଭୟ ବାଳକ ଓ ବାଳିକା ବର୍ଗରେ ଏହି ପ୍ରତିଯୋଗିତାରେ ଆରମ୍ଭ ହୋଇଛି । କଟକ ଜିଲ୍ଲାର ୧୪ଟି ବ୍ଲକରେ ଥିବା ୫୦୦ ସ୍କୁଲର ବଛାବଛା ଖେଳାଳୀ ଏହି ପ୍ରତିଯୋଗୀତାରେ ଅଂଶ ଗ୍ରହଣ କରିଛନ୍ତି ।
୧୭ ବର୍ଷରୁ କମ ଫୁଟବଲ ପ୍ରତିଯୋଗିତା ଆରମ୍ଭ, ଫିଫା ବିଶ୍ୱକପର ହେବ ପ୍ରସାର
ଏହି ଆନ୍ତଃବିଦ୍ୟାଳୟ ଫୁଟବଲ ପ୍ରତିଯୋଗିତା ଆଜି (ମଙ୍ଗଳବାର) ଠାରୁ ଆରମ୍ଭ ହୋଇ ୧୭ ତାରିଖ ପର୍ଯ୍ୟନ୍ତ ବିଡ଼ାନାସୀ ପଡ଼ିଆରେ ଖେଳାଯିବ । ତେବେ ଫିଫା ୧୭ ବର୍ଷରୁ କମ ବିଶ୍ବକପକୁ ପ୍ରଚାର ଓ ପ୍ରସାର କରିବା ଲକ୍ଷ୍ୟରେ ଏହି ଆୟୋଜନ କରାଯାଇଛି । ଓଡିଶାର କୋଣ ଅନୁକୋଣରେ ଏହି ଫିଫା ବିଶ୍ବକପର କ୍ରେଜ ବୃଦ୍ଧି କରିବା ପାଇଁ ଏପରି ଆୟୋଜନ ହାତକୁ ନେଇଛନ୍ତି ରାଜ୍ୟ ସରକାର । ଅନ୍ୟପଟେ ଏହିଭଳି ଆୟୋଜନ ଖେଳାଳି ମାନଙ୍କୁ ତୃଣମୂଳ ସ୍ତରରୁ ଚୟନ କରିବା ଦିଗରେ ଆହୁରି ସହାୟକ ହେବା ନେଇ କହିଛନ୍ତି ଓଡିଶା ଫୁଟବଲ ସଙ୍ଘ ସଭାପତି ଦେବାଶିଷ ସାମନ୍ତରାୟ ।