କଟକ: କଟକ ଜବାହାରଲାଲ ନେହେରୁ ଇଣ୍ଡୋର ଷ୍ଟାଡିୟମରେ ଆରମ୍ଭ ହୋଇଛି ସାଉଥ୍ ଏସିଆନ୍ ବାସ୍କେଟବଲ ଚାମ୍ପିୟନସିପ । କ୍ରୀଡାମନ୍ତ୍ରୀ ତୁଷାରକାନ୍ତି ବେହେରା ଏହି ଟୁର୍ଣ୍ଣାମେଣ୍ଟର ଉଦଘାଟନ କରିଛନ୍ତି । ୩ ଦିନ ଧରି ଚାଲିବାକୁ ଥିବା ଏହି ଟୁର୍ଣ୍ଣାମେଣ୍ଟରେ ଭାରତ, ବାଂଲାଦେଶ ଓ ମାଲଦୀପ ଭାଗ ନେଇଛନ୍ତି ।
ଏହି ଚାମ୍ପିୟନସିପର ଶ୍ରେଷ୍ଠ ଟିମ୍ ତେହେରାନ୍ରେ ହେବାକୁ ଥିବା ଚୂଡ଼ାନ୍ତ ପର୍ଯ୍ୟାୟ ଟୁର୍ଣ୍ଣାମେଣ୍ଟ ଖେଳିବ । ରାଜ୍ୟ ସରକାର ଓ ଓଡ଼ିଶା ବାସ୍କେଟବଲ୍ ଆସୋସିଏସନର ମିଳିତ ସହଯୋଗରେ ଏହି ଅନ୍ତର୍ଜାତୀୟ ଟୁର୍ଣ୍ଣାମେଣ୍ଟ ଆୟୋଜିତ ହୋଇଛି । ଏଭଳି ପ୍ରତିଯୋଗିତା ଦ୍ବାରା ରାଜ୍ୟର ଖେଳାଳୀଙ୍କୁ ପାଇଁ ଭଲ ସୁଯୋଗ ବୋଲି କ୍ରୀଡ଼ା ମନ୍ତ୍ରୀ କହିଛନ୍ତି । ଅନ୍ୟପଟେ ଦର୍ଶକ ଏହି ମ୍ୟାଚରେ ଉପସ୍ଥିତ ରହିବା ପାଇଁ ସରକାର ଦେଇଛନ୍ତି ଅନୁମତି ।
