କଟକରେ ଚାଞ୍ଚଲ୍ୟ, ଶାଶୁ ହତ୍ୟାକାରୀ ଜ୍ୱାଇଁ ଗିରଫ

ଶାଶୁକୁ ହତ୍ୟା କରିଲା ଜ୍ବାଇଁ । ଜ୍ବାଇଁର ମରଣାନ୍ତକ ଆକ୍ରମଣରେ ଚାଲିଗଲା ଶାଶୁ କୋଇଲି ବସ୍ତିଙ୍କ ଜୀବନ । ଅଭିଯୁକ୍ତ ଜ୍ବାଇଁ ସୁଧାଂଶୁ ରାଉତ ପୁରୀଘାଟ ଥାନା ପୋଲିସ ଦ୍ବାରା ଗିରଫ । ଅଧିକ ପଢ଼ନ୍ତୁ

କଟକ: ଶାଶୁକୁ ହତ୍ୟା କରିଲା ଜ୍ବାଇଁ । ଜ୍ବାଇଁର ମରଣାନ୍ତକ ଆକ୍ରମଣରେ ଚାଲିଗଲା ଶାଶୁ କୋଇଲି ବସ୍ତିଙ୍କ ଜୀବନ । ଦୀର୍ଘଦିନର ଚିକିତ୍ସା ପରେ ଆଜି(ମଙ୍ଗଳବାର) ଶାଶୁ କୋଇଲିଙ୍କ ମୃତ୍ୟୁ ହୋଇଛି । ଏଭଳି ଘଟଣା ଘଟିଛି କଟକ ବାଖରାବାଦ ଧୂଆଁପତ୍ରିଆ ଲେନ୍‌ରେ ।

ସୂଚନାନୁସାରେ ଦୀର୍ଘଦିନ ଧରି ହତ୍ୟାକାରୀ ଜ୍ୱାଇଁ ତା ସ୍ତ୍ରୀ ସହ ଝଗଡ଼ା କରିବା ସହ ମାରପିଟ୍‌ କରୁଥିଲା । ଏନେଇ ଶାଶୁ ହସ୍ତକ୍ଷେପ କରିବାରୁ ତାଙ୍କୁ ମଧ୍ୟ ଛାଡ଼ି ନଥିଲା ଜ୍ବାଇଁ । ଏକ ଲୁହା ରଡ୍‌ରେ ଶାଶୁ କୋଇଲି ବସ୍ତିଙ୍କ ମୁଣ୍ଡକୁ ଆକ୍ରମଣ କରିଥିଲା । ଯେଉଁଥିରେ ଗୁରୁତର ହୋଇପଡ଼ିଥିଲେ ଉଭୟ ସ୍ତ୍ରୀ ଓ ଶାଶୁ ।

ଉକ୍ତ ଘଟଣାଟି ଗତ ୧୪ ତାରିଖରେ ଘଟିଥିଲା । ସେବେ ଠାରୁ ଉଭୟ ସ୍ତ୍ରୀ ଓ ଶାଶୁ କୋଇଲି ବସ୍ତି ଏସସିବିରେ ଭର୍ତ୍ତି ହୋଇଥିବା ବେଳେ ଅଭିଯୁକ୍ତ ସୁଧାଂଶୁ ରାଉତ ଫେରାର ହୋଇଯାଇଥିଲା । ହେଲେ ଆଜି ଚିକିତ୍ସାଧୀନ ଅବସ୍ଥାରେ କୋଇଲି ବସ୍ତିଙ୍କ ମୃତ୍ୟୁ ହୋଇଛି । ଏନେଇ ଥାନାରେ ଅଭିଯୋଗ ହେବା ପରେ ଅଭିଯୁକ୍ତ ସୁଧାଂଶୁ ରାଉତକୁ ଗିରଫ କରିଛି ପୁରୀଘାଟ ଥାନା ପୋଲିସ । ଏହାସହ ଏକ ମାମାଲା ରୁଜୁ କରି କୋର୍ଟ ଚାଲାଣ କରିଛି । ଅଭିଯୁକ୍ତ ଘର ବାଙ୍କି ବୋଲି ସୂଚନା ମିଳିଛି ।

କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ