କଟକ : ସିଲଭର ସିଟିରେ ସିରିଜ ଚୋରି । ଲୁଟିନେଲେ ଲକ୍ଷ ଲକ୍ଷ ଟଙ୍କାର ସୁନା ଗହଣା ଓ ନଗଦ ଟଙ୍କା । ଏଭଳି ଘଟଣା ଦେଖିବାକୁ ମିଳିଛି କଟକ ମଙ୍ଗଳା ବାଗ ଥାନା ଅନ୍ତର୍ଗତ ବକ୍ସି ବଜାର ବେପାରୀ ସାହି ଅଞ୍ଚଳରେ । ଗତକାଲି (ବୁଧବାର) ବିଳମ୍ବିତ ରାତିରେ ଏହି ଅଞ୍ଚଳରେ ତିନିଟି ଘରେ ଏକା ସାଙ୍ଗରେ କଳାକନା ବୁଲାଇଥିଲା ଚୋର ।
କଟକରେ ସିରିଜ ଚୋରି, ପୋଲିସ ହାତ ଖାଲି
ସୂଚନାନୁସାରେ ବକ୍ସି ବଜାର ବେପାରୀ ସାହି ଅଞ୍ଚଳରେ ରହୁଥିବା ଅଭିଜିତ ଭଗତ ଓ ତାଙ୍କ ପରିବାର ଘରେ ଶୋଇଥିବା ବେଳେ ବିଳମ୍ବିତ ରାତିରେ ଘରର ଗ୍ରୀଲ ତାଡ଼ି ଘର ଭିତରେ ପ୍ରବେଶ କରିଥିଲା ଚୋର । ଏହାପରେ ଘରର ଆଲମିରାରେ ରଖାଯାଇଥିବା ଆଠ ଭରି ସୁନା ଗହଣା, ୩ଟି ଫୋନ, ଟ୍ୟାପ୍, ରୂପା ପାଉଁଜି, ନଗଦ ୨୦ ହଜାର ୫ ଶହ ଟଙ୍କା, ଗୋଟିଏ ବ୍ୟାଗ୍ ଲୁଟି ନେଇଥିଲେ ।