କଟକ:ରାଜ୍ୟର ପ୍ରମୁଖ ମେଡିକାଲ SCB ବଡ଼ ମେଡିକାଲରେ ଖାଲି ପଡ଼ିଛି ଅଧ୍ୟାପକ ପଦବୀ । ଦୀର୍ଘ ଦିନ ଧରି ବିଭିନ୍ନ ବିଭାଗରେ ନାହାଁନ୍ତି ପ୍ରଫେସର, ଆସିଷ୍ଟାଣ୍ଟ ପ୍ରଫେସର । ଯାହାକୁ ନେଇ ପିଜିସ୍ତରୀୟ ଡାକ୍ତରୀ ଛାତ୍ରଛାତ୍ରୀ ପଢ଼ିବା ଓ ରିସର୍ଚ୍ଚ କରିବା ଦିଗରେ ଅନେକ ଅସୁବିଧାର ସମ୍ମୁଖୀନ ହେଉଛନ୍ତି । ଏପରିକି ପରୀକ୍ଷା ପାଖେଇ ଆସିଲେ ପିଲାମାନେ ଚିନ୍ତାରେ ପଡ଼ିଯାଉଛନ୍ତି ।
ଦୀର୍ଘବର୍ଷ ଧରି ଏହି ସମସ୍ୟା ରହିଥିଲା ବେଳେ ଏଯାବତ ସରକାର ଏହି ଦିଗରେ ଦୃଷ୍ଟି ଦେଉ ନାହାଁନ୍ତି । ଗତ ବର୍ଷ 6 ଜଣ ପ୍ରଫେସର, 23 ଜଣ ଆସୋସିଏଟ ପ୍ରଫେସର ପଦୋନ୍ନତି, ବଦଳି ଓ ଅବସର ନେଇଛନ୍ତି । ଯାହାକୁ ନେଇ ଛାତ୍ରଛାତ୍ରୀଙ୍କ ମଧ୍ୟରେ ଅସୁବିଧା କ୍ରମଶଃ ବୃଦ୍ଧି ପାଉଛି । ତେବେ ଏହି ଦିଗରେ ସରକାର ଧ୍ୟାନ ଦେବାସହ ଆଗାମୀ ଦିନରେ କିପରି ଅଧିକ ସିନିୟର ଡାକ୍ତର ନିଯୁକ୍ତି ଦିଆଯାଇପାରନ୍ତା ତାହାଲେ ଏହି ଅସୁବିଧା ଦୂର ହୋଇପାରିବ ବୋଲି ସାମ୍ବାଦିକ ସମ୍ମିଳନୀ ଜରିଆରେ ସୂଚନା ଦେଇଛନ୍ତି SCB ଜୁନିୟର ଡାକ୍ତର ସଂଘ ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ