କାଳ ହେଲା ଓଭରଟେକ୍‌, ବସ୍‌କୁ ପିଟିଲା ବସ୍‌

କଟକ ପ୍ରତାପ ନଗରୀ ନିକଟରେ ବସ ଦୁର୍ଘଟଣା । ଓଭରଟେକ ସମୟରେ ଗୋଟିଏ ବସକୁ ଧକ୍କା ଦେଲା ଅନ୍ୟ ଏକ ବସ । 20ରୁ ଅଧିକ ଯାତ୍ରୀ ଗୁରୁତର ଆହତ ।

କଟକ: ବସ-ବସ ଭିତରେ ଓଭରଟେକ ହେଲା କାଳ । ଓଭରଟେକ ସମୟରେ ଶ୍ରୀ ନାମକ ବସକୁ ଧକ୍କା ଦେଲା ବିଶ୍ବ ନାମକ ବସ । ଫଳରେ 20ରୁ ଅଧିକ ଯାତ୍ରୀ ଗୁରୁତର ଆହତ ହୋଇଛନ୍ତି । କଟକ ସଦର ଥାନା ପ୍ରତାପ ନଗରୀ ନିକଟରେ ଏପରି ଦୁର୍ଘଟଣା ଘଟିଛି ।

ଆହତ ମାନଙ୍କୁ କଟକ ବଡ ମେଡିକାଲରେ ଭର୍ତ୍ତି କରାଯାଇଛି । ବେପରୁଆ ଗାଡି ଚାଳନା ନେଇ ଦୁର୍ଘଟଣା ଘଟିଥିବା ଜଣାପଡିଛି । ଏଥିରେ 2 ଟି ଛୋଟ ପିଲା ରହିଥିବାବେଳେ 5 ଜଣ ମହିଳା ରହିଛନ୍ତି ।

ଭୁବନେଶ୍ବରରୁ ବିକାଶ ଦାସ, ଇଟିଭି ଭାରତ