କଟକ: ଗୋଟିଏ ପଟେ ନୂଆ ମଟର ଯାନ ଆଇନକୁ ନେଇ ସାରା ଦେଶରେ ଏକ ପ୍ରକାର କୋକୁଆ ଭୟ ସୃଷ୍ଟି ହୋଇଛି । ସରକାରଙ୍କ ଦାବି ହେଲା ନୂତନ ଆଇନ ଦ୍ବାରା ଦୁର୍ଘଟଣା କମିବ । ଲୋକେ ସୁରକ୍ଷିତ ଯିବା ଆସିବା କରିପାରିବେ । ହେଲେ ଏହି ସମୟରେ କଟକ ରେଭେନ୍ସା ବିଶ୍ବ ବିଦ୍ୟାଳୟ ସମ୍ମୁଖରେ ଏକ ସଡକ ଦୁର୍ଘଟଣାରେ ଜଣେ କଲେଜ ଛାତ୍ରୀଙ୍କ ମୃତ୍ୟୁ ଘଟିଛି ।
ଦୁର୍ଘଟଣାରେ ପ୍ରାଣ ହରାଇଥିବା ଛାତ୍ରୀ ଜଣଙ୍କ ହେଉଛନ୍ତି ରେଭେନ୍ସା ଅର୍ଥନୀତି ବିଭାଗର ଛାତ୍ରୀ ଅନ୍ନପୂର୍ଣ୍ଣା ଚୌଧୁରୀ । ଏହି ଘଟଣାକୁ କେନ୍ଦ୍ରକରି ୟୁନିଭରସିଟି ଗେଟ ସାମ୍ନାରେ ବିକ୍ଷୋଭ କରିଛନ୍ତି ଛାତ୍ରଛାତ୍ରୀ । ଏହାସହ ତୁରନ୍ତ ଦୋଷୀ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, କଟକ