କଟକ: ଲଘୁଚାପଜନିତ ପ୍ରବଳ ବର୍ଷାରେ ସିଲଭର ସିଟି କଟକର ହାଲ୍ ବେହାଲ ହୋଇଛି । ରାସ୍ତା ଉପରେ ବର୍ଷା ଜଳ ଲହଡ଼ି ମାରୁଥିବା ଦେଖା ଦେଇଛି । ଫଳରେ କଟକରେ ଜନଜୀବନ ଅସ୍ତବ୍ୟସ୍ତ ହୋଇ ପଡ଼ିଛି । ସହରର ତଳିଆ ଅଞ୍ଚଳରେ ରହୁଥିବା ଲୋକ ମାନଙ୍କ ଘରେ ପାଣି ପଶିଛି । କଟକର ତଳିଆ ଅଞ୍ଚଳରେ ଲୋକେ ଜୀବନ ନିର୍ବାହ କରିବାକୁ ଅସମର୍ଥ ହୋଇଛନ୍ତି । ଏଭଳି ସ୍ଥିତିରେ ଲୋକଙ୍କ ପାଖରେ ପହଞ୍ଚିଛି ପ୍ରଶାସନ । ଜଳବନ୍ଦୀ ହୋଇ ରହିଥିବା ଲୋକଙ୍କ ପାଇଁ ରିଲଫ ସାମଗ୍ରୀ ଯୋଗାଇ ଦିଆଯାଉଛି ।
ଜଳବନ୍ଦୀଙ୍କ ଘରେ ପହଞ୍ଚିଛି ରିଲିଫ ସିଏମସି କମିଶନର ବର୍ଷା ଯୋଗୁଁ ପ୍ରଭାବିତ ହୋଇଥିବା ଲୋକଙ୍କ ସମସ୍ୟାର ସମାଧାନ ପାଇଁ ସିଏମସି ପକ୍ଷରୁ ଏକ ସ୍ବତନ୍ତ୍ର ଟିମ୍ ଗଠନ ହୋଇଛି । ସହରରୁ ଜଳ ନିଷ୍କାସନ ପାଇଁ ବ୍ୟାପକ ପମ୍ପ୍ସେଟ୍ ବ୍ୟବସ୍ଥା କରିଛି ସିଏମସି । ଏହାକୁ ନେଇ ସିଏମସି କମିଶନର ଅନନ୍ୟା ଦାସ ସ୍ପଷ୍ଟ କରିଛନ୍ତି । ଗତ ଦୁଇ ଦିନ ଧରି ରାଜ୍ୟରେ ଲଗାଣ ବର୍ଷା ଜାରି ରହିଥିଲା । ଫଳରେ ସାଧାରଣ ଜନତା ନାହିଁନଥିବା ଅସୁବିଧାର ସମ୍ମୁଖୀନ ହୋଇଛନ୍ତି । ବିଭିନ୍ନ ଅଞ୍ଚଳରେ ପାଣି ଭର୍ତ୍ତି ହୋଇଛି । କଟକ ମଧ୍ୟ ଏହି ତାଲିକାରେ ସାମିଲ ରହିଛି ।
କଟକରୁ ପ୍ରଭୁ କଲ୍ୟାଣ ପାଲ, ଇଟଭି ଭାରତ
