ତଳ ବାଲିଯାତ୍ରା ପଡିଆରେ ରାବଣ ପୋଡି

କଟକ ତଳ ବାଲିଯାତ୍ରା ପଡିଆରେ ରାବଣ ପୋଡି ଉତ୍ସବ ଆୟୋଜନ କରାଯାଇଛି । ବାରବାଟୀ ସର୍ବ ଧର୍ମ ସାଂସ୍କୃତିକ ପରିଷଦ ପକ୍ଷରୁ ଏହି ରାବଣ ପୋଡି ଉତ୍ସବ ଆୟୋଜନ କରାଯାଇଛି ।

କଟକ: ଅଧର୍ମ ଉପରେ ଧର୍ମର ବିଜୟ । ଏହି ଅବସରରେ କଟକ ତଳ ବାଲିଯାତ୍ରା ପଡିଆରେ ରାବଣ ପୋଡି ଉତ୍ସବ ଆୟୋଜନ କରାଯାଇଛି । ପ୍ରତ୍ୟେକ ବର୍ଷ ପରି ଚଳିତ ବର୍ଷ ମଧ୍ୟ ବାରବାଟୀ ସର୍ବ ଧର୍ମ ସାଂସ୍କୃତିକ ପରିଷଦ ପକ୍ଷରୁ ଏହି ରାବଣ ପୋଡି ଉତ୍ସବ ଆୟୋଜନ କରାଯାଇଛି ।

ମଙ୍ଗଳବାର ସନ୍ଧ୍ୟା 7ଟାରୁ ଆରମ୍ଭ ହୋଇଥିବା ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ମନ୍ତ୍ରୀ ପ୍ରତାପ ଜେନା, କଟକ ଚୌଦ୍ୱାର ବିଧାୟକ ସୌଭିକ ବିଶ୍ୱାଳ, କଟକ ଡିସିପି ଓ କଟକ ମହାନଗର ଶାନ୍ତି କମିଟିର କର୍ମକର୍ତ୍ତା ଯୋଗ ଦେଇଥିଲେ। । ତେବେ ବିଭିନ୍ନ କଳାକାର ମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା । ଏହି ଅବସରରେ ଆତସ ବାଜି ପ୍ରତିଯୋଗିତା ଅନୁଷ୍ଠିତ ହୋଇଥିଲା । 52 ଫୁଟର ରାବଣରେ ଅଗ୍ନୀ ସଞ୍ଜମ କରାଯାଇଛି ।

କଟକରୁ ନାରାୟଣ ସାହୁ, ଇଟିଭି ଭାରତ