କଟକ: ରଣଜୀ ସିଜିନରେ ଓଡିଶା ଆରମ୍ଭ କଲା ଅଭିଯାନ । ପ୍ରଥମ ମ୍ୟାଚରେ ଗୋଆକୁ ଭେଟିଲା ଟିମ ଓଡିଶା । ପ୍ରଥମ ଦିନ ଖେଳ ଶେଷ ସୁଦ୍ଧା ଓଡିଶା 3 ୱିକେଟ ହରାଇ ସଂଗ୍ରହ କରିଛି 23 ରନ । ଟସ ଜିତି ବୋଲିଂ ନିଷ୍ପତ୍ତି ନେଇଥିବା ଓଡିଶା, ବିପକ୍ଷ ଗୋଆକୁ 181 ରନରେ ହିଁ ଅଲଆଉଟ କରି ଦେଇଥିଲା ।
ଦଳ ପକ୍ଷରୁ ବସନ୍ତ ମହାନ୍ତି ସର୍ବାଧିକ 3 ଟି ୱିକେଟ ନେଇଥିବାବେଳେ ଅଭିଷେକ ରାଉତ 2, ଦେବବ୍ରତ, ଆଶିଷ ଏବଂ ରାଜେଶ ମହାନ୍ତି ଗୋଟିଏ ଲେଖାଏଁ ୱିକେଟ ଅକ୍ତିଆର କରିଥିଲେ । ଗୋଆ ପକ୍ଷରୁ ଏକାନ୍ତ କେରକର ସର୍ବାଧିକ 76 ରନ କରିଛନ୍ତି । ଅନ୍ୟପଟେ ପ୍ରଥମ ପାଳି ଆରମ୍ଭରୁ ହିଁ ଓଡିଶା ବ୍ୟାଟିଂ ବିପର୍ଯ୍ୟୟର ସାମ୍ନା କରିଥିଲା । ଦଳ ମାତ୍ର 2 ରନ କରିଥିବାବେଳେ ୨ ମୂଲ୍ୟବାନ ୱିକେଟ ହରାଇ ସାରିଥିଲା ।