କଟକ: ‘ରେଭେନ୍ସା ବିଶ୍ୱବିଦ୍ୟାଳୟରେ ମାର୍କେଟିଂ ପ୍ରଣାଳୀରେ ଫର୍ମ ଫିଲପ କାର୍ଯ୍ୟ ଚାଲିଛି । ମନମୁଖୀ ଟଙ୍କା ନେଇ ଫର୍ମ ଫିଲପ ଓ ଆଡ଼ମିଶନ ଦେଉଛନ୍ତି ରେଭେନ୍ସା କର୍ତ୍ତୃପକ୍ଷ । ଯେଉଁଥିପାଇଁ ବିଶ୍ୱବିଦ୍ୟାଳୟରେ ମେଧାବୀ ଛାତ୍ରଛାତ୍ରୀଙ୍କ ସଂଖ୍ୟା କମି କମି ଯାଉଛି ’ ଏକ ସାମ୍ବାଦିକ ସମ୍ମିଳନୀରେ ଏଭଳି ଅଭିଯୋଗ ଆଣିଛି ରେଭେନ୍ସା ବିକାଶ ଅଭିଯାନ ।
ଭିଡିଓ ସୌଜନ୍ୟ: ସମ୍ବାଦଦାତା, କଟକ
ବିଶ୍ୱବିଦ୍ୟାଳୟ ପ୍ରତି ଏହା ଏକ ନିମ୍ନ ସଙ୍କେତ ବୋଲି କହିଛନ୍ତି ଅଭିଯାନର ସଭାପତି ଚିତ୍ତରଞ୍ଜନ ମହାନ୍ତି । ତାଙ୍କ କହିବା ମୁତାବକ ରେଭେନ୍ସାକୁ ମହାବିଦ୍ୟାଳୟରୁ ବିଶ୍ବବିଦ୍ୟାଳୟ ଘୋଷଣା କରିବା ପଛରେ ଉନ୍ନତ ଗବେଷଣାର ଲକ୍ଷ୍ୟ ରହିଥିଲା । ତେବେ ଏବେକାର ବ୍ୟବସ୍ଥା ଯୋଗୁଁ ବିଶ୍ବବିଦ୍ୟାଳୟରେ ମେଧାବୀଙ୍କ ସଂଖ୍ୟା ହିଁ କମି କମି ଯାଉଛି । ସେ ଏହାକୁ ବେଶ ନିନ୍ଦନୀୟ ବୋଲି ଦର୍ଶାଇଛନ୍ତି ।