କଟକ: ଏସସିବିରେ ରୋଗୀ ମୃତ୍ୟକୁ ନେଇ ଉତ୍ତେଜନା । ଚିକିତ୍ସାଧୀନ ଅବସ୍ଥାରେ ଜଣେ ମହିଳାଙ୍କ ମୃତ୍ୟ ହେବାପରେ ପରିବାରବର୍ଗଙ୍କ ପକ୍ଷରୁ ଡାକ୍ତରଖାନାରେ ଉତ୍ତେଜନା ଦେଖାଦେଇଛି । ଏଥିସହ ପରିବାର ଲୋକେ ମଧ୍ୟ ଡାକ୍ତରଖାନା କର୍ମଚାରୀଙ୍କ ନାମରେ ସଙ୍ଗୀନ ଅଭିଯୋଗ ଆଣିଛନ୍ତି । ମୃତବ୍ୟକ୍ତି ପିନ୍ଧିଥିବା ଅଳଙ୍କାର ଗାଏବ ହୋଇଯାଇଥିବା ଅଭିଯୋଗ କରିଛନ୍ତି ପରିବାର ଲୋକେ ।
ସୂଚନା ଅନୁଯାୟୀ କଟକ ବଡ ଡାକ୍ତରଖାନା ଏସସିବି କୋଭିଡ ସେଣ୍ଟରରେ ଚିକିତ୍ସା ହେଉଥିବା ଜଣେ ମହିଳାଙ୍କ ମୃତ୍ୟୁ ହୋଇଛି। ମୃତ୍ୟୁର ଏକ ଘଣ୍ଚା ପରେ ସମ୍ପର୍କୀୟଙ୍କୁ ଖବର ଦିଆଯାଇ ଥିବା ପରିବାର ଲୋକେ ଅଭିଯୋଗ କରିଛନ୍ତି । ମୃତ ମହିଳାଙ୍କ ବୋହୂଙ୍କ ଅଭିଯୋଗ ଅନୁଯାୟୀ ରୋଗୀ ସମ୍ପୂର୍ଣ୍ଣ ସୁସ୍ଥ ଥିଲେ । ନିଜକାମ ନିଜେ କରିପାରୁଥିଲେ । ହଠାତ୍ ତାଙ୍କର ମୃତ୍ୟ କେମିତି ହେଲା ବୋଲି ସେ ପ୍ରଶ୍ନ କରିଛନ୍ତି । ଏସସିବି କୋଭିଡ୍ ସେଣ୍ଟରରେ ସଠିକ୍ ଚିକିତ୍ସା ହେଉନଥିବା କହିବା ସହ ଆଉ ଏକ ସଙ୍ଗୀନ ଅଭିଯୋଗ ମଧ୍ୟ କରିଛନ୍ତି ମୃତକଙ୍କ ବୋହୂ । ମୃତବ୍ୟକ୍ତି ପିନ୍ଧିଥିବା ଅଳଙ୍କାର ଗାଏବ ହୋଇଯାଇଥିବା ସେ କହିଛନ୍ତି ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
