କଟକ: ରାଜ୍ୟରେ କୋରୋନା ସ୍ଥିତି ଜଟିଳ ହେବାରେ ଲାଗିଛି। ସ୍ଥିତି ଏମିତି କି ପ୍ରତ୍ୟକ ଦିନ ଅନେକ ମାତ୍ରାରେ ନୂଆ ନୂଆ ରୋଗୀ ହସ୍ପିଟାଲରେ ଆଡ଼ମିଟ ହେଉଛନ୍ତି । ଆଉ ଏଭଳି ସ୍ଥିତିରେ ରୋଗୀଙ୍କୁ ଶୋଷଣ କରୁଛନ୍ତି ଘରୋଇ ହସ୍ପିଟାଲ କର୍ତ୍ତୃପକ୍ଷ।
ଘରୋଇ ହସ୍ପିଟାଲଙ୍କ ମନମାନି
ସରକାରଙ୍କୁ ମିଛ ତଥ୍ୟ ଦେଇ କୋରୋନା ରୋଗୀଙ୍କୁ ଚିକିତ୍ସିତ କରିବାକୁ ଅନୁମତି ପାଇଛନ୍ତି କଟକର ଅନେକ ଘରୋଇ ହସ୍ପିଟାଲ। ଅନୁମତି ବେଳେ ଆଇସିୟୁ ବେଡ଼ ଥିବା ଦର୍ଶାଇଛନ୍ତି ସହରର କିଛି ଘରୋଇ ହସ୍ପିଟାଲ କର୍ତ୍ତୃପକ୍ଷ।
ମାତ୍ର ବାସ୍ତବିକ ସେମାନଙ୍କ ନିକଟରେ ଆଇସିୟୁ ବେଡ଼ ନଥିବା ଅଭିଯୋଗ ଆସିଛି। ଅଭିଯୋଗ ପରେ ଯଦିଓ କିଛି ଘରୋଇ ହସ୍ପିଟାଲ କର୍ତ୍ତୃପକ୍ଷଙ୍କୁ କାରଣ ଦର୍ଶାଅ ନୋଟିସ ଦିଆଯାଇଛି ।