କଟକ:ସାରା ଓଡିଶା ପାଳିବ ନେତାଜୀ ସୁବାଷ ବୋଷ ଙ୍କ ୧୨୫ତମ ଜନ୍ମ ଜୟନ୍ତୀ । ଆସନ୍ତା ୨୩ ଜାନୁଆରୀ ଦିନ ତାଙ୍କର ଜନ୍ମ ଦିବସକୁ ମର୍ଯ୍ୟାଦାର ସହ ପାଳନ କରାଯିବା । ଏହାସହ ଆଗାମୀ ଏକ ବର୍ଷ ବ୍ୟାପି ବିଭିନ୍ନ ଧରଣର କାର୍ଯ୍ୟକ୍ରମ ଗ୍ରହଣ ପାଇଁ ଆଜି(ବୁଧବାର) ଗାନ୍ଧୀ ଭବନ ଠାରେ ସୁବାଷ ଜନ୍ମ ଜୟନ୍ତୀ କମିଟି ପକ୍ଷରୁ ବସିଥିବା ବୈଠକରେ ନିଷ୍ପତ୍ତି ହୋଇଛି।
ସୁବାଷ ବୋଷଙ୍କ ଜନ୍ମ ଜୟନ୍ତୀ ହେବ ସ୍ୱତନ୍ତ୍ର
ଏହାସହ କଟକ ଓଡ଼ିଆ ବଜାର ସ୍ଥିତ ନେତାଜୀ ଜନ୍ମ ସ୍ଥାନରେ ମଧ୍ୟ ବିଭିନ୍ନ କାର୍ଯ୍ୟକ୍ରମ ହେବା ନେଇ ସ୍ପଷ୍ଟ କରିଛି କମିଟି। ସ୍ୱାଧୀନତାର ୭୪ ବର୍ଷ ପରେ ବି ଦେଶର ଜନସାଧାରଣ ଜୀବନ ସର୍ବନିମ୍ନ ସୁବିଧା ସୁଯୋଗରୁ ବଞ୍ଚିତ ରହିଛନ୍ତି । ଗୋଟିଏ ଦିଗରେ ପ୍ରାଚୁର୍ଯ୍ୟର ପାହାଡ଼ ଆଉ ଅନ୍ୟଦିଗରେ ହାହାକାର । ନୀତି, ନୈତିକତା ଓ ସାମାଜିକ ମୂଲ୍ୟବୋଧର ସଙ୍କଟ ଆଜି ଛାତ୍ର, ଯୁବ ସମାଜକୁ ବିଭ୍ରାନ୍ତ ଓ ପଥଭ୍ରଷ୍ଟ କରୁଛି । ଜାତି, ଧର୍ମ, ସଂପ୍ରଦାୟ ଓ ଅଞ୍ଚଳକୁ କେନ୍ଦ୍ରକରି ଚାଲିଥିବା ସକିର୍ଣ୍ଣ ରାଜନୀତି ଦେଶର ସାଧାରଣ ଲୋକଙ୍କର ଐକ୍ୟ ଓ ଭ୍ରାତୃଭାବକୁ ଧ୍ୱଂସ କରିଚାଲିଛି ।