କଟକ: ଓଡିଶାକୁ ପୁଣି ଫେରିଛି ଲକଡାଉନ । ଲକଡାଉନକୁ 2 ଦିନ ହେଇଥିବା ବେଳେ ବଜାରରେ ଆରମ୍ଭ ହେଲାଣି କଳାବଜାରୀ । 2ଦିନ ପୂର୍ବରୁ ଆଳୁ ୩ କିଲୋ ପ୍ରତି ୪୦ ରୁ ୪୫ ଟଙ୍କା ଦରରେ ବିକ୍ରି ହେଉଥିବା ବେଳେ ତାହା ଏବେ ବୃଦ୍ଧି ପାଇ 70-90ରେ ପହଞ୍ଚିଛି । ସେହିପରି ପିଆଜ ୩ କିଲୋପ୍ରତି ୬୦ ରୁ ୭୦ ଥିବା ବେଳେ ତାହା ଏବେ ୯୦ ରୁ ୧୦୦ ଟଙ୍କା ଚଢା ଦରରେ ବିକ୍ରୟ ହେଉଛି । ଯାହା ସାଧାରଣ ଖାଉଟିଙ୍କ ହାଣ୍ଡିଶାଳରେ ସିଧା ସଳଖ ମାଡ ହୋଇଛି ।
ଫେରିଲା ଲକଡାଉନ୍, ହାଣ୍ଡିଶାଳରେ ଚଡକ; ବଢିଲା ଆଳୁ-ପିଆଜ ଦର
ଏନେଇ ଖୁଚୁରା ବ୍ୟବସାୟୀ କହିଛନ୍ତି ଗୋଦାମରେ ଦର ବୃଦ୍ଧି ଯୋଗୁଁ ଏପରି ଦର ବୃଦ୍ଧି ଘଟିଛି । ଗୋଦାମରେ ବସ୍ତା ପିଛା ୯ ଶହ ରୁ ୯୨୫ ଟଙ୍କା ଟଙ୍କା ନେଉଛନ୍ତି । ସେପଟେ ଛତ୍ରବଜାର ପରିବା ବ୍ୟବସାୟୀ ସଂଘ କହିଛନ୍ତି ଆଳୁ ବସ୍ତା ପିଛା ୮ ଶହ ଦରରେ ଗୋଦାମରେ ବିକ୍ରୟ ହେଉଛି । ଲକଡାଉନ କାରଣରୁ ପୂର୍ବ ଅପେକ୍ଷା ଆଳୁ ଗାଡି ଆସୁନାହିଁ । ଫଳରେ ଦର ଟିକେ ଅଧିକ ରହୁଛି । ଲକଡାଉନ ହଟିଲେ ଆଳୁ ଦର ନିୟନ୍ତ୍ରଣକୁ ଆସିବ ।