ରାଜ୍ୟ ଫେରନ୍ତା ପ୍ରବାସୀ ଶ୍ରମିକଙ୍କ ପରିଚାଳନା ନେଇ ଡିଜିପିଙ୍କ ବୈଠକ

ରାଜ୍ୟକୁ ଫେରୁଛନ୍ତି ପ୍ରବାସୀ ଶ୍ରମିକ । ଏନେଇ ରାଜ୍ୟ ପୋଲିସର ପ୍ରସ୍ତୁତି ସମ୍ପର୍କରେ ଆଲୋଚନା କରିଛନ୍ତି ରାଜ୍ୟ ଆରକ୍ଷୀ ମହାନିର୍ଦ୍ଦେଶକ ଅଭୟ ।

କଟକ: ରାଜ୍ୟକୁ ଫେରୁଛନ୍ତି ପ୍ରବାସୀ ଶ୍ରମିକ । ଏନେଇ ରାଜ୍ୟ ପୋଲିସର ପ୍ରସ୍ତୁତି ସମ୍ପର୍କରେ ଆଲୋଚନା କରିଛନ୍ତି ରାଜ୍ୟ ଆରକ୍ଷୀ ମହାନିର୍ଦ୍ଦେଶକ ଅଭୟ । ଶନିବାର ରାଜ୍ୟର ସମସ୍ତ ରେଞ୍ଜ ଆଇଜି, ଡିଆଇଜି ଏବଂ ଜିଲ୍ଲା ପୋଲିସ ଆରକ୍ଷୀ ଅଧିକ୍ଷକଙ୍କ ସହ ଭିଡିଓ କନଫରେନ୍ସିଂ ମାଧ୍ୟମରେ ଆଲୋଚନା କରିଛନ୍ତି ପୋଲିସ ଡିଜି ।

ଆନ୍ତଃରାଜ୍ୟ ତନଖି ଫାଟକ ଗୁଡ଼ିକର କିଭଳି ସଠିକ ପରିଚାଳନା କରାଯିବ, ଟ୍ରେନ ପହଞ୍ଚିବାସ୍ଥଳରେ ପର୍ଯ୍ୟାପ୍ତ ପୋଲିସ ବ୍ୟବସ୍ଥା ସହ ସଠିକ ପରିଚାଳନା ଆଦି ଦିଗ ଉପରେ ଆଲୋଚନା ହୋଇଥିଲା । ଏଥିସହ ପ୍ରବାସୀମାନେ ଜିଲ୍ଲାରେ ପହଞ୍ଚିବା ପରେ ସେଠାରେ କିଭଳି ବ୍ୟବସ୍ଥାର ସଠିକ ପରିଚାଳନା କରାଯିବ ଓ ଗ୍ରାମାଞ୍ଚଳରେ ପ୍ରସ୍ତୁତ କରାଯାଇଥିବା ସଙ୍ଗରୋଧସ୍ଥଳ ଗୁଡ଼ିକର ସୁରକ୍ଷା ବ୍ୟବସ୍ଥା ଉପରେ କଡ଼ା ନଜର ରଖିବାକୁ ଡିଜି ନିର୍ଦେଶ ଦେଇଛନ୍ତି ।

କଟକରୁ ନାରାୟଣ ସାହୁ, ଇଟିଭି ଭାରତ