କନେଷ୍ଟବଳଙ୍କ ଉନ୍ମତ୍ତକାଣ୍ଡ, ସହକର୍ମୀଙ୍କୁ ଆକ୍ରମଣ ଉଦ୍ୟମ କରି ନିଜକୁ କଲେ ଆହତ

ହାତରେ କଟୁରି ଧରି ସହକର୍ମୀଙ୍କୁ ଆକ୍ରମଣ ଉଦ୍ୟମ ପରେ ନିଜକୁ ନିଜେ କଲେ କ୍ଷତାକ୍ତ କଲେ ପୋଲିସ କନେଷ୍ଟବଳ । ଅଧିକ ପଢନ୍ତୁ

କଟକ: ପୋଲିସ କନେଷ୍ଟବଳଙ୍କ ଉନ୍ମତ୍ତକାଣ୍ଡ । ହାତରେ କଟୁରି ଧରି ସହକର୍ମୀଙ୍କୁ ଆକ୍ରମଣ ଉଦ୍ୟମ କଲେ ପୋଲିସ କନେଷ୍ଟବଳ । ଶେଷରେ ନିଜକୁ ନିଜେ କଲେ କ୍ଷତାକ୍ତ । ଏଭଳି ଘଟଣା ଘଟିଛି କଟକ ସଦର ଥାନା ବାରାକରେ । ଆହତ କନେଷ୍ଟବଳ ଜଣଙ୍କ ହେଉଛନ୍ତି ଚମ୍ପକ ମାଝୀ ।

ସୂଚନା ଅନୁଯାୟୀ, କୌଣସି କାରଣକୁ ନେଇ କନଷ୍ଟେବଳ ଜଣଙ୍କ କଟୁରି ଧରି ତାଙ୍କ ସହକର୍ମୀଙ୍କୁ ଆକ୍ରମଣ ଉଦ୍ୟମ କରିଥିଲେ । କିନ୍ତୁ ଶେଷରେ ନିଜକୁ କଟୁରିରେ କ୍ଷତାକ୍ତ କରିବାରୁ ଆହତ ହୋଇଥିଲେ । ଏନେଇ କନେଷ୍ଟବଳ ଚମ୍ପକ ମାଝିକୁ କଟକ SCB ମେଡିକାଲରେ ଭର୍ତ୍ତି କରାଯାଇଛି। ତେବେ ପୂର୍ବରୁ ମଧ୍ୟ ଏଭଳି କାମ କରି ନିଜ ପଦବୀରୁ ୨ଥର ନିଲମ୍ବିତ ହୋଇଥିଲେ ।

କଟକରୁ ନାରାୟଣ ସାହୁ, ଇଟିଭି ଭାରତ