କଟକ ହାଜତମୃତ୍ୟୁ ମାମଲା: ତଦନ୍ତ କରିବ କମିଶନରେଟ ପୋଲିସ

ଚୌଦ୍ବାର ଜେଲରେ କଏଦୀ ମୃତ୍ୟୁ ମାମଲା । ଘଟଣାର ତଦନ୍ତ କରିବ କମିଶନରେଟ ପୋଲିସ ।

କଟକ: ଚୌଦ୍ବାର ଜେଲରେ କଏଦୀ ଆତ୍ମହତ୍ୟା ଘଟଣା । ପରିବାରଙ୍କ ଲୋକଙ୍କ ଅଭିଯୋଗ ପରେ ଘଟଣାର ତଦନ୍ତ କରିବ କମିଶନରେଟ ପୋଲିସ । ମଙ୍ଗଳବାର ପରିବାର ଲୋକେ ହତ୍ୟା କରାଯାଇଥିବା ନେଇ ଥାନାରେ ଅଭିଯୋଗ କରିଥିଲେ । ଏହି ଘଟଣାକୁ ପୋଲିସ ଗୁରୁତର ସହ ନେଇ ମାମଲା ରୁଜୁ କରିଛି । ତଦନ୍ତ ପରେ କାର୍ଯ୍ୟାନୁଷ୍ଠାନ ନିଆଯିବ ବୋଲି କଟକ ଡିସିପି କହିଛନ୍ତି ।

ସୂଚନା ଅନୁଯାୟୀ ଗତ ସୋମବାର ଚୌଦ୍ବାର ଜେଲରେ ବିଚାରାଧୀନ କଏଦୀଙ୍କ ମୃତ୍ୟୁ ହୋଇଥିଲା । ଥାନା ପରିସରରେ ଏକ ଗଛରୁ ଝୁଲନ୍ତା ଅବସ୍ଥାରେ କଏଦୀଙ୍କ ମୃତଦେହ ଉଦ୍ଧାର କରାଯାଇଥିଲା । ମୃତକ କଏଦୀ ଜଣକ ଥିଲେ ନୟାଗଡ ଜିଲ୍ଲାର ଦେବପ୍ରକାଶ ବେହେରା ।

କଟକରୁ ନାରାୟଣ ସାହୁ,ଇଟିଭି ଭାରତ