କଟକ: OSSTET ୨୦୨୧ର ପରୀକ୍ଷା ଫଳ ତ୍ରୁଟି ନେଇ ବୋର୍ଡ ସମ୍ମୁଖରେ ବିକ୍ଷୋଭ ପଦର୍ଶନ କରିଛନ୍ତି ପରୀକ୍ଷା ଦେଇଥିବା ଛାତ୍ରଛାତ୍ରୀ । ୨୦୨୧ ମସିହାରେ ଏହି OSSTET (Odisha Secondary School Teachers Eligibility Test)ର ଦ୍ୱିତୀୟ ପରୀକ୍ଷାରେ ବୋର୍ଡ ପକ୍ଷରୁ ଦିଆଯାଇଥିବା ମାର୍କରେ ତ୍ରୁଟି ଥିବା ଅଭିଯୋଗ କରିଛନ୍ତି ଛାତ୍ରଛାତ୍ରୀ । ରାଜ୍ୟର ପ୍ରାୟ 500 ରୁ ଉର୍ଦ୍ଧ୍ବ ଛାତ୍ରଛାତ୍ରୀ ଏହିଭଳି ତ୍ରୁଟିର ଶିକାର ହୋଇଥିବା ଅଭିଯୋଗ କରିଛନ୍ତି ଛାତ୍ରଛାତ୍ରୀ ।
OSSTET ପରୀକ୍ଷା ଫଳରେ ତ୍ରୁଟି, ବୋର୍ଡ ସମ୍ନାରେ ଗର୍ଜିଲେ ଛାତ୍ରଛାତ୍ରୀ ଗତବର୍ଷ ଫ୍ରେବୃଆରୀରେ OSSTETର ଦ୍ୱିତୀୟ ପରୀକ୍ଷା ହୋଇଥିଲା । ଏହାପରେ ଏପ୍ରିଲରେ ପରୀକ୍ଷା ଫଳ ପ୍ରକାଶ ପାଇଥିଲା । ହେଲେ ପରୀକ୍ଷା ଫଳରେ ତ୍ରୁଟି ଦର୍ଶାଇ ପୂର୍ବରୁ ଛାତ୍ରଛାତ୍ରୀ ଅଭିଯୋଗ କରିଥିଲେ ମଧ୍ୟ ବୋର୍ଡ ପକ୍ଷରୁ କୌଣସି ସମାଧାନ କରାଯାଇ ନଥିଲା । ତେବେ ଏନେଇ ଆଜି ରାଜ୍ୟର ବିଭିନ୍ନ ଜିଲ୍ଲାରୁ ଆସିଥିବା ଛାତ୍ରଛାତ୍ରୀମାନେ ବୋର୍ଡ କର୍ତ୍ତୃପକ୍ଷଙ୍କୁ ଅଭିଯୋଗ କରିଛନ୍ତି । ଯଦି ଏହି ତ୍ରୁଟିର ସମାଧାନ ନହୁଏ ତେବେ ଆଗାମୀ ଦିନରେ ଶତାଧିକ ଛାତ୍ରଛାତ୍ରୀ ଆନ୍ଦୋଳନକୁ ଓହ୍ଲାଇବେ ବୋଲି ଚେତାବନୀ ଦେଇଛନ୍ତି ।
କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ
