ଜେଲରେ ଥିବା ଅନ୍ତେବାସୀଙ୍କ ହେବ ସ୍ୱତନ୍ତ୍ର ସ୍ୱାସ୍ଥ୍ୟ ପରୀକ୍ଷା

ଜେଲ ସଂସ୍କାର ମାମଲା ଉପରେ ହାଇକୋର୍ଟରେ ଆଜି ଶୁଣାଣି ହୋଇଛି । ରାଜ୍ୟର ବିଭିନ୍ନ ଜେଲରେ ଥିବା ମାନସିକ ଅନ୍ତେବାସୀଙ୍କ ସ୍ବତନ୍ତ୍ର ସ୍ବାସ୍ଥ୍ୟ ପରୀକ୍ଷା କରିବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି । ଅଧିକ ପଢନ୍ତୁ

ଭୁବନେଶ୍ବର: ଜେଲ ସଂସ୍କାର ମାମଲା ଉପରେ ହାଇକୋର୍ଟରେ ଆଜି ଶୁଣାଣି ହୋଇଛି । ରାଜ୍ୟର ବିଭିନ୍ନ ଜେଲରେ ଥିବା ମାନସିକ ଅନ୍ତେବାସୀଙ୍କ ସ୍ବତନ୍ତ୍ର ସ୍ବାସ୍ଥ୍ୟ ପରୀକ୍ଷା କରିବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି । ଏନେଇ ସମସ୍ତ ପ୍ରକାରର ବ୍ୟବସ୍ଥା କରିବ ରାଜ୍ୟ ଆଇନ ସେବା ପ୍ରାଧିକରଣ । ବିଭିନ୍ନ ଜେଲ ଯାଇ ମାନସିକ ରୋଗ ବିଶେଷଜ୍ଞ ମାନସିକ ଅସୁସ୍ଥ ଥିବା ଅନ୍ତେବାସୀଙ୍କ କରିବେ ଚିକିତ୍ସା । ସରକାରୀ ଡାକ୍ତର ଅଭାବ ଥିଲେ ଘରୋଇ ଡାକ୍ତର ନେଇ ମଧ୍ୟ ଚିକିତ୍ସା କରିବାକୁ ନିର୍ଦ୍ଦେଶ ।

ସମସ୍ତ ପ୍ରକାରର ଖର୍ଚ୍ଚ ରାଜ୍ୟ ଆଇନ ସେବା ପ୍ରାଧିକରଣ କରିବ। ଏନେଇ ବିସ୍ତୃତ ରିପୋର୍ଟ ଦେବା ପାଇଁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି। ଆସନ୍ତା ୨୨ ଜୁନରେ ଏହି ମାମଲାର ପରବର୍ତ୍ତୀ ଶୁଣାଣି ହେବ।

କଟକରୁ ନାରାୟଣ ସାହୁ, ଇଟିଭି ଭାରତ