କଟକ: ଅଵହେଳିତ ଅବସ୍ଥାରେ କଟକର ପୁରୁଣା ଜେଲ । ବ୍ରିଟିଶ ଅମଳରୁ ନିର୍ମାଣ ହୋଇଥିବା ଏହି ଜେଲ ଏବେ ସମସ୍ତଙ୍କ ପାଇଁ ପାଲଟି ଯାଇଛି ବେନାମୀ ଇତିହାସ । ନାହିଁ ସେ ଉଚ୍ଚ ପ୍ରାଚୀର କି ପାରମ୍ପରିକ ଘଣ୍ଟି । ଯାହା ହଜାଇ ଦେଉଥିଲା ଶହ ଶହ କଏଦୀଙ୍କ ନିଦ । ତେବେ ଆଜିର ଦିନରେ ରକ୍ଷଣାବେକ୍ଷଣ ଅଭାବରୁ ଏହି ପୁରୁଣା ଜେଲ ଏବେ ଧ୍ବଂସାଭିମୁଖୀ ।
ଫାଶୀ ଖୁଣ୍ଟରେ ଝୁଲିବାକୁ ଯାଉଛି ଐତିହାସିକ ଜେଲ!
ଆଧୁନିକୀ ସହର ପଦ୍ଧତିରେ ଲୁଚି ଯାଇଛି ଐତିହାସିକ ପୁରୁଣା ଜେଲ । ନାହିଁ ସେ ନାଲି ପଥର କି ବତୀ ଖୁଣ୍ଟ । ରହିଛି କେବଳ ସେହି ଗୋଟିଏ ଫଳକ ଆଉ ଦୁଇ ଚାରୋଟି କାରାଗାର କୋଠରୀର ଝଲକ । ଏହାସହିତ ଜେଲ ପଡିଆ ପାଲଟିଛି ଗୋରୁ ଗାଈଙ୍କ ଚରାଭୂଇଁ । ବ୍ରିଟିଶ ସମୟରେ ଏହି କାରାଗାର ସାକ୍ଷୀ ରହିଛି ଅନେକ ସ୍ବାଧୀନତା ସଂଗ୍ରାମୀଙ୍କର । ହେଲେ ବର୍ତ୍ତମାନ ଜେଲ କୁ ଦେଖିଲେ ଲାଗୁଛି ଯେପରି ଏକ ପତ୍ର ହୀନ ବୃକ୍ଷ । ତେବେ ଏହି ସମସ୍ୟା ଉପରେ କେବେ ରାଜ୍ୟସରକାର କରୁଣ ଦୃଷ୍ଟି ଦେବେ ଆଉ ଏହି ସ୍ଥାନର ବିକାଶ ହୋଇ ପାରିବ ସେନେଇ ପ୍ରଶ୍ନ କରିଛନ୍ତି କଟକ ବାସିନ୍ଦା ।