କଟକ: BCCI ଘରୋଇ ସିଜିନ ସୟଦ ମୁସ୍ତାକ ଅଲୀ ଟ୍ରଫି ପାଇଁ ଘୋଷଣା ହେଲା ଓଡ଼ିଶା ଦଳ । 21 ଜଣିଆ ଦଳରେ ସାମିଲ ଥିବା ଖେଳାଳିଙ୍କ ନାମ ବିଧିବଦ୍ଧ ଭାବରେ ଘୋଷଣା କରିଛି ଓଡ଼ିଶା କ୍ରିକେଟ ଆସୋସିଏସନ୍ । ମୁସ୍ତାକ ଅଲୀ ଟ୍ରଫି ପାଇଁ ରାଜେଶ ଧୂପରଙ୍କୁ ଓଡ଼ିଶା ଦଳର ଅଧିନାୟକ ଭାର ଦିଆଯାଇଛି । ଦକ୍ଷ ଅଲ୍ରାଉଣ୍ଡର ବିପ୍ଳବ ସାମନ୍ତରାୟଙ୍କୁ ଏହି ଟ୍ରଫି ପାଇଁ ବିଶ୍ରାମ ଦିଆଯାଇଛି ।
ମୁସ୍ତାକ ଅଲି ଟ୍ରଫି ପାଇଁ ଓଡ଼ିଶା ଦଳ ଘୋଷିତ, ଧୂପରଙ୍କୁ ଅଧିନାୟକ ଭାର
ଚଳିତ ମାସ 27 ତାରିଖରେ ଲକ୍ଷ୍ନୌ ଗସ୍ତ କରିବ ଓଡ଼ିଶା । ନଭେମ୍ବର 4 ତାରିଖରୁ ଆରମ୍ଭ ହେବ ଓଡ଼ିଶାର ମୁସ୍ତାକ ଅଲୀ ଟ୍ରଫି ଅଭିଯାନ । ପ୍ରଥମ ମ୍ୟାଚରେ ଗୋଆକୁ ଭେଟିବ ଓଡ଼ିଶା ଦଳ । ଏହାପରେ ତାମିଲନାଡୁ, ମହାରାଷ୍ଟ୍ର, ପଞ୍ଜାବ ଓ ପୁଡୁଚେରୀକୁ ଟକ୍କର ଦେବ ଓଡ଼ିଶା ଦଳ । ଗତବର୍ଷ କୋଭିଡ ସଂକ୍ରମଣରେ ଅଭ୍ୟାସ ବାଧାପ୍ରାପ୍ତ ହେବାରୁ ଓଡ଼ିଶା ମୁସ୍ତାକ ଅଲୀ ଟ୍ରଫିରେ ଆଖି ଦୃଶିଆ ପଦର୍ଶନ କରି ପାରିନଥିଲା । ଚଳିତ ବର୍ଷ ଓଡ଼ିଶା ଦଳ ଭଲ ପ୍ରଦର୍ଶନ କରିବା ନେଇ ଆଶା ରଖିଛି ଓସିଏ ।