କଟକ:ଅକ୍ଟୋବର 16 ତାରିଖରେ ଅନୁଷ୍ଠିତ ହେବ ଓଡ଼ିଶା ସିଭିଲ୍ ସର୍ଭିସ୍(ଓସିଏସ) ପରୀକ୍ଷା । ଏନେଇ ଲୋକସେବା ଆୟୋଗ (ଓପିଏସସି) ପକ୍ଷରୁ ଗୁରୁବାର ବିଜ୍ଞପ୍ତି ପ୍ରକାଶ ପାଇଛି।ଅକ୍ଟୋବର 16(ରବିବାର) ତାରିଖରେ ଓସିଏସ ପ୍ରଲିମିନାରି ପରୀକ୍ଷା 2021 ହେବ ।
ଏଥିପାଇଁ ପ୍ରାୟ ୨ ଲକ୍ଷ ପ୍ରାର୍ଥୀ ଆବେଦନ କରିଥିଲେ । କିଛିଦିନ ପୂର୍ବରୁ ସେଥିମଧ୍ୟରୁ ୭ ହଜାର ୩୯ ଜଣ ଆଶାୟୀଙ୍କ ଦରଖାସ୍ତଗତ ତ୍ରୁଟି ଥିବା ଦର୍ଶାଇ ଆବେଦନକୁ ନାକଚ କରି ଦିଆଯାଇଥିଲା । ବ୍ୟକ୍ତିଗତ ବିବରଣୀ ନଦେବା, ଠିକଣା ବିବରଣୀ ନଦେବା, ଫିଜିକାଲ ମେଜରମେଣ୍ଟ, ଶିକ୍ଷାଗତ ଯୋଗ୍ୟତା ବିବରଣୀ ନଥିବା ଓ ଅନ୍ୟ ପ୍ରମାଣ ପତ୍ର ଅନଲାଇନେରେ ଅପଲୋଡ୍ ହୋଇନଥିବା ଆଦି କାରଣରୁ ଅନେକ ଆଶାୟୀଙ୍କ ଦରଖାସ୍ତ ନାକଚ ହୋଇଥିଲା ।