କଟକରେ କମୁଛି କୋରୋନା ସଂକ୍ରମଣ, ଆଜି ୧୩୯ ପଜିଟିଭ ଚିହ୍ନଟ

ସହରର ସଂକ୍ରମଣ ସ୍ଥିତି ସାମାନ୍ୟ ଆଶ୍ବସ୍ଥି ପ୍ରଦାନ କରିଛି । କଟକ ମହାନଗର ନିଗମରେ କମୁଛି ସଂକ୍ରମଣ ହାର। ସୋମବାର ୧୩୯ କୋରୋନା ପଜିଟିଭ ଚିହ୍ନଟ ହୋଇଛନ୍ତି ।

କଟକ: ସହରର ସଂକ୍ରମଣ ସ୍ଥିତି ସାମାନ୍ୟ ଆଶ୍ବସ୍ଥି ପ୍ରଦାନ କରିଛି । କଟକ ମହାନଗର ନିଗମରେ କମୁଛି ସଂକ୍ରମଣ ହାର। ସୋମବାର ୧୩୯ କୋରୋନା ପଜିଟିଭ ଚିହ୍ନଟ ହୋଇଛନ୍ତି । ସେଥିମଧ୍ୟରୁ ୬୮ ଜଣ ହୋମକ୍ୱାରଣ୍ଟାଇନରୁ ଚିହ୍ନଟ ହୋଇଥିବା ବେଳେ, ୬୮ ଜଣ ଶିକ୍ଷାନୁଷ୍ଠାନ କ୍ୱାରେଣ୍ଟାଇନରୁ ଚିହ୍ନଟ ହୋଇଛନ୍ତି । ସ୍ଥାନୀୟ ଅଞ୍ଚଳରୁ ୩ ଜଣ ସଂକ୍ରମଣର ଶିକାର ହୋଇଛନ୍ତି ।

ଏହି ସଂଖ୍ୟାକୁ ମିଶାଇ କଟକ ମହାନଗର ନିଗମରୁ ୧୧,୬୫୩ ଆକ୍ରାନ୍ତ ଚିହ୍ନଟ ହୋଇସାରିଛନ୍ତି । ତେବେ ୮୯୦୪ ଜଣ ସୁସ୍ଥ ହୋଇ ଫେରିଥିବା ବେଳେ, ୪୬ ଜଣଙ୍କର ମୃତ୍ୟୁ ଘଟିଛି। ସେହିପରି ୨,୭୦୩ ଜଣ ବିଭିନ୍ନ କୋଭିଡ ହସ୍ପିଟାଲରେ ଚିକିତ୍ସିତ ହେଉଥିବା ସିଏମସି ପକ୍ଷରୁ ସୂଚନା ଦିଆଯାଇଛି।

ଆଜି ଗୋଟିଏ ଦିନରେ ୪ ଜଣଙ୍କର ମୃତୁ ଘଟିଥିବା ସିଏମସି ପକ୍ଷରୁ ସୂଚନା ଦିଆଯାଇଛି । ତେବେ କଟକ ମହାନଗର ନିଗମରେ ଆକ୍ରାନ୍ତଙ୍କ ସଂଖ୍ୟା କମୁଥିବା ଜଣାପଡିଛି ।

କଟକରୁ ନାରାୟଣ ସାହୁ, ଇଟିଭି ଭାରତ