ମାଡି ଆସୁଛି ବାତ୍ୟା 'ଗୁଲାବ', ରାଜ୍ୟରେ ୧୪ଟି NDRF ଟିମ ନିୟୋଜିତ

ସ୍ଥଳଭାଗକୁ ମାଡି ଆସୁଛି ବାତ୍ୟା ଗୁଲାବ । ରାଜ୍ୟର ବିଭିନ୍ନ ଜିଲ୍ଲାରେ ୧୪ଟି NDRF ଟିମ ନିୟୋଜିତ ହୋଇଛନ୍ତି । ଅଧିକ ପଢନ୍ତୁ...

କଟକ:ମାଡି ଆସୁଛି ବାତ୍ୟା 'ଗୁଲାବ'। ତେବେ ସମ୍ଭାବ୍ୟ ବାତ୍ୟାକୁ ଦୃଷ୍ଟିରେ ରଖି ପ୍ରସ୍ତୁତ NDRF ଟିମ । ଏହାର ମୁକାବିଲା ପାଇଁ ୧୪ଟି ଟିମକୁ ବିଭିନ୍ନ ସ୍ଥାନରେ ନିୟୋଜିତ କରାଯାଇଛି।

ଗଞ୍ଜାମ ଜିଲ୍ଲା ପାଇଁ ୩ଟି ଟିମ, ଗଜପତି ପାଇଁ ୨ଟି ଟିମ, ରାୟଗଡା ପାଇଁ ୨ଟି ଟିମ, କୋରାପୁଟ ପାଇଁ ୨ଟି ଟିମ, ମାଲକାନଗିରି ପାଇଁ ଗୋଟିଏ ଟିମ ଓ ୪ଟି ଟିମକୁ ଭୁବନେଶ୍ବର ହେଡକ୍ବାର୍ଟରରେ ରିଜର୍ଭ ରଖାଯାଇଥିବା ନେଇ NDRF ପକ୍ଷରୁ ସୂଚନା ଦିଆଯାଇଛି । ବିଭିନ୍ନ ପ୍ରକାର ସରଞ୍ଜାମ ସହ ଏମାନେ ବିଭିନ୍ନ ସ୍ଥାନ ଗ୍ରସ୍ତ କରିଛନ୍ତି ।

ଆସନ୍ତାକାଲିଠାରୁ ବାତ୍ୟାର ପ୍ରଭାବ ଆରମ୍ଭ ହେବା ସହିତ ସର୍ବାଧିକ ବର୍ଷା ୭ ଜିଲ୍ଲାରେ ହେବାର ସମ୍ଭାବନା ରହିଛି । ଭୂସ୍କଳନ, ଫ୍ଲାସ୍ ଫ୍ଳଡ୍ ସହିତ କଚ୍ଚା ରାସ୍ତା ଓ ଘର ଧୋଇଯିବାର ସମ୍ଭାବନା ରହିଛି। ଝଡ ପରଦିନ ଅର୍ଥାତ ୨୭ ତାରିଖରେ କିଛି ଜିଲ୍ଲା ଅଂରେଜ ୱାର୍ଣ୍ଣିଂ ଜାରି କରାଯାଇଛି । ୨୬ ତାରିଖରେ ସର୍ବାଧିକ ପ୍ରଭାବ ରହିବ ।

କଟକରୁ ନାରାୟଣ ସାହୁ, ଇଟିଭି ଭାରତ