କଟକ/ନୟାଗଡ଼: ଭିଜିଲାନ୍ସ ଜାଲରେ ନୟାଗଡ ଜିଲ୍ଲା ଗ୍ରାମ୍ୟ ଉନ୍ନୟନ ସହକାରୀ ନିରବାହୀ ଯନ୍ତ୍ରୀ(Executive Engineer) । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ସହକାରୀ ନିର୍ବାହୀ ଯନ୍ତ୍ରୀ ଗୋବିନ୍ଦ ଚନ୍ଦ୍ର ସାହୁଙ୍କ ଘରେ ରେଡ୍ କରିଛି ଭିଜିଲାନ୍ସ । ୩ଟି ଜିଲ୍ଲାର ୬ଟି ସ୍ଥାନରେ ଭିଜିଲାନ୍ସ ପକ୍ଷରୁ ରେଡ ଜାରି ରହିଛି ।
ସୂଚନାଅନୁସାରେ, ଭୁବନେଶ୍ୱର ପଟିଆ ଏବଂ ଗାୟତ୍ରୀ ବିହାରରେ ଅବସ୍ଥିତ ଆବାସିକ ଘର, କଟକ କିଶନ ନଗର ପିନପୁର ଏବଂ ଅଲିସା ବଜାର ଠାରେ ଥିବା ଆବାସ, ନୟାଗଡ଼ ଆରଡି ସବ୍-ଡିଭିଜନ୍ ଅଫିସରେ ଅବସ୍ଥିତ ଅଫିସ୍ ରୁମ୍ ଏବଂ ନୟାଗଡ଼ ଟାଉନରେ ଅବସ୍ଥିତ ଆବାସିକ ଘରରେ ଚାଲିଛି ରେଡ । ଜାରି କରାଯାଇଥିବା ସର୍ଚ୍ଚ ୱାରେଣ୍ଟ ଜରିଆରେ ୫ଜଣ ଡିଏସପି, ୫ଜଣ ଇନ୍ସପେକ୍ଟର ଏବଂ ଅନ୍ୟ କର୍ମଚାରୀ ମାନେ ଏହି ରେଡ଼ ଜାରି ରଖିଛନ୍ତି । ତେବେ ଏଯାବତ କେତେ ସମ୍ପତ୍ତି ଠୁଳ ହୋଇଛି ସୂଚନା ମିଳିନାହିଁ ।
କଟକରୁ ପ୍ରଭୁ କଲ୍ୟାଣ ପାଲ ଓ ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
