କଟକ: ଅମଣିଷ ପଣିଆର ଚରମ ସୀମାରେ ଆଜିର ଆଧୁନିକ ମଣିଷ। ପ୍ରେମ ପାଇଁ ମା' ଭୁଲି ମମତା। ନିଜର ଖୁସି ପାଇଁ ଦୁଇ ପିଲାଙ୍କୁ ଛାଡି ପ୍ରେମିକ ସହ ଫେରାର ହେଲା ମା' । ଯାହା ବର୍ତ୍ତମାନ କଟକ ଚାଉଳିଆଗଞ୍ଜ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି।
ସୂଚନା ଅନୁସାରେ, ଦୁଇପିଲାଙ୍କର ବାପାଙ୍କର ନାମ ସୁଦାମ ନାୟକ ମା କାମିନା ନାଏକ ଓ ଘର ପୁରୀ ଅଞ୍ଚଳରେ। ପୂର୍ବରୁ ଉଭୟ ସ୍ଵାମୀ ସ୍ତ୍ରୀ ଅଲଗା ରହୁଥିଲେ, ହେଲେ ମା’ କାମିନାଙ୍କ ପାଖରେ ଦୁଇ ପିଲା ରହୁଥିଲେ।
ଗତକାଲି କମିନା ନିଜର ସାତବର୍ଷର ଝିଅ ମୀରା ଓ ଅଢେଇ ବର୍ଷର ପୁଅ ବାବୁସାନକୁ କଟକର ଚାଉଳିଆଗଞ୍ଜ ଅଞ୍ଚଳରେ ଛାଡି ନିଜର ପ୍ରେମିକ ସହ ଫେରାର ହୋଇଯାଇଥିଲେ। ପରେ ଦୁଇଟି ପିଲା ବୁଲୁଥିବାର ଦେଖି ଦାସ ସାହି ଅଞ୍ଚଳର ଟୁକୁନା ଦାସ ନିଜର ହେପାଜତରେ ରଖିଥିଲେ।
ଆଜି ସକାଳୁ ଚାଉଳିଆଗଞ୍ଜ ଥାନାରେ ଦୁଇପିଲାଙ୍କୁ ହସ୍ତାନ୍ତର କରାଯିବା ପରେ ଥାନା କର୍ମଚାରୀ ଚାଇଲଡ଼ ଲାଇନକୁ ଏହି ଘଟଣା ସମ୍ପର୍କରେ ଜଣାଇଥିଲେ। ଶେଷରେ ଚାଇଲଡ଼ ଲାଇନ ସଦସ୍ୟଙ୍କ ଦ୍ବାରା ଦୁଇ ଶିଶୁ ଥାନାରୁ ଉଦ୍ଧାର ହୋଇ ବସୁନ୍ଧରା ଯାଇଥିଲେ। ଦୁଇ ଶିଶୁଙ୍କର ସ୍ବାସ୍ଥ୍ୟ ଅବସ୍ଥା ଠିକ ନଥିବାରୁ ତାଙ୍କୁ ଚିକିତ୍ସା ପାଇଁ ମେଡିକାଲ ନିଆଯିବା ବୋଲି କହିଛନ୍ତି ଚାଇଲଡ଼ ଲାଇନର ସଦସ୍ୟ।
କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ
