ଲକଡାଉନରେ ଅମାନିଆଙ୍କ ଉତ୍ପାତ, ମୋଟ 6201ଟି ମାମଲା ରୁଜୁ

ଲକଡାଉନ ସମୟରେ ଲୋକେ ଘରେ କିପରି ସୁରକ୍ଷିତ ରହିବେ ତାକୁ ରାଜ୍ୟ ସରକାର ଗୁରୁତ୍ବ ଦେଉଥିବା ବେଳେ ଘୂରି ବୁଲୁଛନ୍ତି ଅନେକ ଅମାନିଆ । ଏମିତିରେ ତାଲାବନ୍ଦ ନିୟମକୁ ଉଲଙ୍ଘନ କରିବା ଅଭିଯୋଗରେ ରାଜ୍ୟରେ ଥିବା ବିଭିନ୍ନ ଥାନାରେ ଏଯାବତ୍‌ ରୁଜୁ ହୋଇଛି ମୋଟ 6201ଟି ମାମଲା ।

କଟକ: ଲକଡାଉନ ସମୟରେ ଲୋକେ ଘରେ କିପରି ସୁରକ୍ଷିତ ରହିବେ ତାକୁ ରାଜ୍ୟ ସରକାର ଗୁରୁତ୍ବ ଦେଉଥିବା ବେଳେ ଘୂରି ବୁଲୁଛନ୍ତି ଅନେକ ଅମାନିଆ । ଏମିତିରେ ତାଲାବନ୍ଦ ନିୟମକୁ ଉଲଙ୍ଘନ କରିବା ଅଭିଯୋଗରେ ରାଜ୍ୟରେ ଥିବା ବିଭିନ୍ନ ଥାନାରେ ଏଯାବତ୍‌ ରୁଜୁ ହୋଇଛି ମୋଟ 6201ଟି ମାମଲା । ଗତ ମାର୍ଚ୍ଚ 24 ତାରିଖଠାରୁ ଏପର୍ଯ୍ୟନ୍ତ ଏହି ସଂଖ୍ୟକ ମାମଲା ରୁଜୁ କରାଯାଇଥିବା ପୋଲିସ ମୁଖ୍ୟାଳୟ ପକ୍ଷରୁ ସୂଚନା ଦିଆଯାଇଛି ।

କେବଳ ବୁଧବାର ସକାଳୁ ଗୁରୁବାର ସକାଳ ପର୍ଯ୍ୟନ୍ତ ରାଜ୍ୟର ବିଭିନ୍ନ ଥାନାରେ 13ଟି ମାମଲା ରୁଜୁ କରାଯାଇଛି । ଏହି 13ଟି ମାମଲା ମଧ୍ୟରୁ 10ଟି ମାମଲା ତାଲାବନ୍ଦ ନିୟମ ଉଲଙ୍ଘନ କରିବା ଅଭିଯୋଗରେ ରୁଜୁ ହୋଇଥିଲା । ସେପଟେ ଗୋଟିଏ ମାମଲା ହୋମ କ୍ବାରେଣ୍ଟାଇନ ନିୟମ ଉଲଙ୍ଘନ କରାଯାଇଥିବା ଅଭିଯୋଗରେ ରୁଜୁ ହୋଇଥିବା ଜଣା ପଡିଛି । ରାଜ୍ୟ ପୋଲିସ ମୁଖ୍ୟାଳୟ ପକ୍ଷରୁ ଏନେଇ ସୂଚନା ଦିଆଯାଇଛି।

କଟକରୁ ନାରାୟଣ ସାହୁ, ଇଟିଭି ଭାରତ