କଟକ: ଗତ ୬ ତାରିଖ କଟକରେ ବର୍ଷା ଯୋଗୁଁ ସହରର ଅଧିକାଂଶ ଅଞ୍ଚଳରେ ଜଳମଗ୍ନ ପରିସ୍ଥିତି ଉପୁଜିଥିଲା । ଏହି ଜଳମଗ୍ନ ପରିସ୍ଥିତି ଯୋଗୁଁ ସହରର ଅଧିକାଂଶ ଜନସାଧାରଣ ଘଣ୍ଟା ଘଣ୍ଟା ଧରି ଜଳବନ୍ଦୀ ହୋଇ ରହିଥିଲେ । ତେବେ କଟକ ସହରରେ ଉପୁଜିଥିବା ଏହି ସମସ୍ୟା ଯୋଗୁଁ କଟକ-ବାରବାଟୀ ବିଧାୟକ ମହମ୍ମଦ ମୋକିମଙ୍କୁ ଏଥିପାଇଁ ଦାୟୀ କରିବା ସହ ତାଙ୍କ ଉପରେ ବର୍ଷିଛନ୍ତି ବିଜେଡି ଯୁବ ନେତା ଅରିନ୍ଦମ ରୟ ।
ବର୍ଷା ଯୋଗୁଁ ଉପୁଜୁଥିବା ବନ୍ୟା ପରିସ୍ଥିତି ପାଇଁ ବିଧାୟକ ଦାୟୀ: ଅରିନ୍ଦମ
ଏ ସମ୍ପର୍କରେ ପ୍ରତିକ୍ରିୟା ରଖି ଅରିନ୍ଦମ କହିଛନ୍ତି ଯେ, 'ଗତ ୬ ତାରିଖ ବର୍ଷା ଯୋଗୁଁ ଯେଉଁ ଜଳମଗ୍ନ ପରିସ୍ଥିତି ଉପୁଜିଥିଲା ତାହା ଅତ୍ୟନ୍ତ ଦୁର୍ଭାଗ୍ୟଜନକ । ଏହି ସମସ୍ୟା କଟକ ସହରର ମୁଖ୍ୟ ସମସ୍ୟା ଅଟେ । ଯଦି ଏତିକି ବର୍ଷାରେ ଏଭଳି ପରିସ୍ଥିତି ଉପୁଜିଛି ତେବେ ଆଗକୁ ପରିସ୍ଥିତି ଆହୁରୀ ଭୟଙ୍କର ହୋଇପାରେ । ୨୦୧୯ ନିର୍ବାଚନ ପୂର୍ବରୁ ବିଧାୟକ ମହମ୍ମଦ ମୋକିମ ସହରବାସୀଙ୍କୁ ଯେଉଁ ପ୍ରତିଶୃତି ଦେଇଥିଲେ ତାହା ପୂରଣ କରିବାରେ ସମ୍ପୂର୍ଣ୍ଣ ଅସଫଳ ହୋଇଛନ୍ତି ।'