କଟକ: ଅସହାୟ ନାବାଳକକୁ ଚେଙ୍କ । ମାଡ ସହ ନିର୍ଯାତନା ଦେଉଥିଲା ତାର ନିଜ ଦାଦା ଓ ଖୁଡ଼ି । ୨୦୧୮ ମସିହାରେ ନାବାଳକର ମାଆଙ୍କର ମୃତ୍ୟୁ ହୋଇଥିବା ବେଳେ ବାପାଙ୍କର ଖୋଜଖବର ନାହିଁ । ତେବେ ନାବାଳକର ଅଜା ଓ ଆଈ ତାକୁ ଉଦ୍ଧାର କରି ମର୍କତ ନଗର ଥାନାରେ ଲିଖିତ ଅଭିଯୋଗ କରିଛନ୍ତି ।
ନାବାଳକକୁ ନିର୍ଯାତନା ଦେଉଥିଲେ ଦାଦା ଖୁଡ଼ି, ଥାନାରେ ମାମଲା ରୁଜୁ
ସୂଚନା ଅନୁସାରେ ନାବାଳକର ମାଆଙ୍କର ୨୦୧୮ ମସିହାରେ ମୃତ୍ୟୁ ଘଟିଥିଲା । ଏହାପରେ ନାବାଳକକୁ ତାର ଅଜା ଓ ଆଈ ଆଣି ପାଖରେ ରଖିଥିଲେ । କିନ୍ତୁ ତାର ବାପା ଆଉ ଜଣକୁ ଦ୍ବିତୀୟ ବିବାହ କରିବାରୁ ପୁଣିଥରେ ପାଖକୁ ନେଇଥିଲେ । କିନ୍ତୁ ସେ ପାଖରେ ନରଖି ଛୁଆକୁ ତାର ଦାଦା ଓ ଖୁଡ଼ି ପାଖକୁ ପଠାଇ ଦେଇଥିଲେ । ସେଠାରେ ଅଭିଯୁକ୍ତ ଦାଦା ଓ ଖୁଡ଼ି ନାବାଳକକୁ ଘରର ସବୁ କାମ କରାଇବା ସହିତ ନାନା ନିର୍ଯାତନା ଦେଉଥିଲେ ।