କଟକ: ମାହାଙ୍ଗା ଡବଲ ମର୍ଡର ଘଟଣାରେ ଆଉ ଜଣେ ଅଭିଯୁକ୍ତକୁ ଗିରଫ କଲା ଗ୍ରାମଞ୍ଚଳ ପୋଲିସ । ମୋଟ ଗିରଫ ସଂଖ୍ୟା 7କୁ ବୃଦ୍ଧି ପାଇଛି । ପ୍ରଥମେ ମାମଲାରେ ସମ୍ପୃକ୍ତ 4 ଜଣଙ୍କୁ ପୋଲିସ ଗିରଫ କରିଥିବାବେଳେ ପରେ ଆଉ ଜଣଙ୍କୁ ଏବଂ ଆଜି(ଗୁରୁବାର) ଦୁଇଜଣଙ୍କୁ ଗିରଫ କରିଛି ପୋଲିସ ।
ମାହାଙ୍ଗାରେ ବିଜେପି ନେତା କୁଳମଣୀ ବରାଳ ଓ ତାଙ୍କ ସହଯୋଗୀ ଦିବ୍ୟସିଂ ବରାଳଙ୍କୁ କେହି ଦୁର୍ବୃତ୍ତ ଶନିବାର ରାତିରେ ନିର୍ମମ ଭାବେ ହତ୍ୟା କରିଥିଲେ । ଯାହାକୁ ନେଇ ରାଜ୍ୟ ରାଜନୀତି ଜୋର ଧରିଛି । ବିଜେପି ଏଥିରେ ଶାସକ ଦଳର ଭୂମିକା ଥିବା ଅଭିଯୋଗ କରିବା ସହ ସିଧାସଳଖ ଆଇନମନ୍ତ୍ରୀ ତଥା ମାହାଙ୍ଗା ବିଧାୟକ ପ୍ରତାପ ଜେନାଙ୍କ ଇସ୍ତଫା ଦାବି କରିଛି ।