କଟକ: ରାତି ପହିଲେ କଟକର ସମସ୍ତ ମଣ୍ଡପରେ ହେବ ମା'ଙ୍କ ଷଷ୍ଠୀ ପୂଜା । ମା' ଜଗତ ଜନନୀଙ୍କ ପୂଜା ପ୍ରକ୍ରିୟା ଆରମ୍ଭ ହେବ । ଏନେଇ ବହୁ ପୁରାତନ ସିଲଭର ସିଟିରେ ପ୍ରସ୍ତୁତି ଶେଷ ପର୍ଯ୍ୟାୟରେ ପହଁଞ୍ଚିଛି । ଦଶମୀରେ ମା'ଙ୍କୁ ମହଣ ମହଣ ସୁନାରେ ସୁସଜ୍ଜିତ କରିବାକୁ ଦିନ ରାତିକୁ ଏକ କରି ଶେଷ ସ୍ପର୍ଶ ଦେବାରେ ମଗ୍ନ କାରିଗର । ହେଲେ ଗୋଟିଏ ପଟେ ଖୁସିର ମହୋଲ ଥିଲା ବେଳେ ଅନ୍ୟପଟେ ନାଇଟ କର୍ଫ୍ୟୁ ବଢାଇଛି ଚିନ୍ତା । ରାତିରେ ମଣ୍ଡପ ମଧ୍ୟରେ ପୂଜା ରହୁଥିବାରୁ ଚିନ୍ତାରେ ପଡିଛନ୍ତି ପୂଜା କମିଟିର ସମସ୍ତ କର୍ମକର୍ତା ।
ତେବେ ଚଳିତ ବର୍ଷ କୋଭିଡ ମହାମାରୀ ଯୋଗୁଁ ମା'ଙ୍କ ମୃଣ୍ମୟୀ ମୃର୍ତ୍ତି କାର୍ଯ୍ୟ ଆଗେଇ ଚାଲିଥିବା ବେଳେ ସରକାରଙ୍କ ନାଇଟ୍ କର୍ଫ୍ୟୁ କଟକଣା ଶ୍ରଦ୍ଧାଳୁଙ୍କ ମନକୁ ଫିକା କରିଛି । ଗୋଟିଏ ପଟେ ଗୋଟିଏ ପଟେ ପାର୍ବଣର ଆନନ୍ଦର ପର୍ବ ଆରମ୍ଭ ହେବାକୁ ଥିବାବେଳେ ଅନ୍ୟପଟେ କମିଶନରେଟ ପୋଲିସର କଡା ପ୍ରହରା ମଧ୍ୟରେ ରହିବ ସିଲଭରସିଟି । ସହରରେ ମୋଟ 32 ପ୍ଲାଟୁନ ଫୋର୍ସ ମୁତୟନ ହେବାକୁ ଥିବା ବେଳେ ଏହାସହ 100 ପୋଲିସ ଅଧିକାରୀ, 150 ହୋମଗାର୍ଡ କଟକର ସମସ୍ତ ପୂଜା ମଣ୍ଡପ, ସାହି ଗଳିକନ୍ଦିରେ ମାରିବେ ପ୍ରହରା ।