କଟକ: ଭୋଟ ଗଣତି ପକ୍ରିୟାରେ ହେରଫେର ଅଭିଯୋଗରେ କଟକସଦର ବ୍ଲକ ଅଫିସ ଆଗରେ ବିକ୍ଷୋଭ ପ୍ରଦର୍ଶନ କଲେ ସରପଞ୍ଚ ପ୍ରାର୍ଥିନୀ । ଗତିରାଉତପାଟଣା ସରପଞ୍ଚ ପ୍ରାର୍ଥିନୀ ସ୍ପିନୋଜା ମହାନ୍ତି ଓ ତାଙ୍କ ସମର୍ଥକ ଏଭଳି ବିକ୍ଷୋଭ ପ୍ରଦର୍ଶନ କରିଛନ୍ତି । ଏଥିପାଇଁ ସେ କଟକ ସଦର ବିଡିଓଙ୍କୁ ସମ୍ପୂର୍ଣ୍ଣ ଭାବରେ ଦାୟୀ କରି ଉପ ନିର୍ବାଚନ ଦାବି କରିଛନ୍ତି ।
ଭୋଟ ଗଣତିରେ ତ୍ରୁଟି ଅଭିଯୋଗ, ବ୍ଲକ ଅଫିସ ଘେରିଲେ ସମର୍ଥକ ଓ ପ୍ରାର୍ଥିନୀ
ଗତିରାଉତପାଟଣା ସରପଞ୍ଚ ପ୍ରାର୍ଥିନୀ ସ୍ପିନୋଜା ମହାନ୍ତିଙ୍କୁ ପ୍ରଥମେ ସରପଞ୍ଚ ପ୍ରାର୍ଥିନୀ ଭାବରେ ବିଜୟୀ ଘୋଷଣା କରାଯାଇଥିଲା । ଏହାପରେ ପୁନଃ ତାଙ୍କ ନିକଟ ପ୍ରତିଦ୍ବନ୍ଦୀ ସୋନାଲି ପ୍ରଧାନଙ୍କୁ ବିଜୟୀ ଘୋଷଣା କରାଯାଇଥିଲା । ମାତ୍ର ଦୁଇ ଖଣ୍ଡ ଭୋଟ ବ୍ୟବଧାନରେ ପରାଜିତ ହୋଇଥିଲେ ସ୍ପିନୋଜା । ଏହାକୁ ନେଇ ସ୍ପିନୋଜା ଓ ତାଙ୍କ ସମର୍ଥକ ଅସନ୍ତୋଷ ଜାହିର କରିବା ସହ ବିକ୍ଷୋଭ ପ୍ରଦର୍ଶନ କରିଛନ୍ତି ।