କଟକ: ଅନ୍ଧାରର ଫାଇଦା ଉଠାଉଛନ୍ତି ଲୁଟେରା । ସିଲଭର ସିଟିର ଅନ୍ଧାରୀ ଇଲାକାରେ ସନ୍ଧ୍ୟା ହେଲେ ମାତୁଛନ୍ତି ଲୁଟେରା । ଯାହାକୁ ନେଇ ଚିନ୍ତାରେ ସାଧାରଣ ଜନତା । ଗୋଟେପଟେ ସହରରେ ବିଜୁଳି ନ ଥିବାବେଳେ ଅନ୍ୟପଟେ ଲୁଟେରାଙ୍କ ପ୍ରାଦୁର୍ଭାବ ସାଧାରଣ ଜନଜୀବନକୁ ଅସ୍ତବ୍ୟସ୍ତ କରୁଛି ।
ଭିଡିଓ ସୌଜନ୍ୟ: ସମ୍ବାଦଦାତା, କଟକ
ବାତ୍ୟା ଫନି ଯିବାର ସପ୍ତାହେ ବିତିଥିଲେ ମଧ୍ୟ ଏଯାଏଁ କଟକରେ ସୁଧୁରିପାରିନି ବିଜୁଳି ସଂଯୋଗ ବ୍ୟବସ୍ଥା । ବିଶେଷ କରି ସିଡିଏର କିଛି ଅଞ୍ଚଳ ଓ ଜଗତପୁରର କିଛି ସ୍ଥାନ ମାନଙ୍କରେ ଲୁଟେରା ମାନେ ବେଶ୍ ସକ୍ରିୟ ଥିବା ଅଭିଯୋଗ ହୋଇଛି । ତେବେ ଏ ନେଇ କମିଶନରେଟ ପୋଲିସ ସଜାଗ ରହିଛି ବୋଲି କହିଛନ୍ତି ଡିସିପି ଅଖିଳେଶ୍ବର ସିଂ ।