ରାଜ୍ୟରେ ତାଲାବନ୍ଦ ନିୟମ ଉଲଙ୍ଘନ: ଏଯାଏଁ 6637 ମାମଲା ରୁଜୁ

ରାଜ୍ୟରେ କୋରୋନା ସଂକ୍ରମଣରୁ ରକ୍ଷା ପାଇଁ କଡାକଡି ହୋଇଛି ଲକଡାଉନ ନିୟମ । ହେଲେ ରାଜ୍ୟବାସୀଙ୍କ ଭଲ ପାଇଁ ଲାଗୁ ହୋଇଥିବା ଏହି ନିୟମକୁ ବିଭିନ୍ନ ସମୟରେ ଅମାନିଆମାନେ ଭାଙ୍ଗିଥିବା ଦେଖାଯାଇଛି ।

କଟକ: ରାଜ୍ୟରେ କୋରୋନା ସଂକ୍ରମଣରୁ ରକ୍ଷା ପାଇଁ କଡାକଡି ହୋଇଛି ଲକଡାଉନ ନିୟମ । ହେଲେ ରାଜ୍ୟବାସୀଙ୍କ ଭଲ ପାଇଁ ଲାଗୁ ହୋଇଥିବା ଏହି ନିୟମକୁ ବିଭିନ୍ନ ସମୟରେ ଅମାନିଆମାନେ ଭାଙ୍ଗିଥିବା ଦେଖାଯାଇଛି । ଏହି କ୍ରମରେ ଏୟାବତ୍‌ ରାଜ୍ୟରେ ତାଲାବନ୍ଦ ନିୟମ ଉଲଙ୍ଘନ ଅଭିଯୋଗରେ ବିଭିନ୍ନ ଥାନାରେ 6637ଟି ମାମଲା ରୁଜୁ ହୋଇଛି ।

ଗତ ମାର୍ଚ୍ଚ 24 ତାରିଖଠାରୁ ଏଯାବତ୍‌ ଏସମସ୍ତ ମାମଲା ରୁଜୁ ହୋଇଥିବା ପୋଲିସ ମୁଖ୍ୟାଳୟ ପକ୍ଷରୁ ସୂଚନା ଦିଆଯାଇଛି । ଏଥିରେ ଗତ 24 ଘଣ୍ଟା ମଧ୍ୟରେ ରୁଜୁ ହୋଇଥିବା 3ଟି ମାମଲା ମଧ୍ୟରୁ 2ଟି ମାମଲା ତାଲାବନ୍ଦ ନିୟମ ଉଲଙ୍ଘନ ଅଭିଯୋଗରେ ରହିଥିଲା । ଏନେଇ ସୂଚନା ଦେଇଛି ପୋଲିସ ମୁଖ୍ୟାଳୟ ।

କଟକରୁ ନାରାୟଣ ସାହୁ, ଇଟିଭି ଭାରତ