ନିୟମିତ ଭାଙ୍ଗୁଛି ତାଲାବନ୍ଦ ନିୟମ, ଏଯାବତ୍‌ 6994 ମାମଲା ରୁଜୁ

ରାଜ୍ୟରେ କୋରୋନା ସ୍ଥିତି ନିୟନ୍ତ୍ରଣ କରିବା ସହ ରାଜ୍ୟବାସୀଙ୍କୁ ସଂକ୍ରମଣରୁ ସୁରକ୍ଷିତ ରଖିବା ପାଇଁ ବିଭିନ୍ନ ଯୋଜନା କାର୍ଯ୍ୟକାରୀ କରୁଛନ୍ତି ରାଜ୍ୟ ସରକାର । ତଥାପି ଚେତିବାକୁ ନାରାଜ ନିୟମ ଭଙ୍ଗକାରୀ ଅମାନିଆ ।

କଟକ: ରାଜ୍ୟରେ କୋରୋନା ସ୍ଥିତି ନିୟନ୍ତ୍ରଣ କରିବା ସହ ରାଜ୍ୟବାସୀଙ୍କୁ ସଂକ୍ରମଣରୁ ସୁରକ୍ଷିତ ରଖିବା ପାଇଁ ବିଭିନ୍ନ ଯୋଜନା କାର୍ଯ୍ୟକାରୀ କରୁଛନ୍ତି ରାଜ୍ୟ ସରକାର । ତଥାପି ଚେତିବାକୁ ନାରାଜ ନିୟମ ଭଙ୍ଗକାରୀ ଅମାନିଆ । ଏନେଇ ରାଜ୍ୟର ବିଭିନ୍ନ ଥାନାରେ ଏଯାବତ୍‌ 6994ଟି ମାମଲା ରୁଜୁ ହୋଇଥିବା ଜଣା ପଡିଛି ।

ସୂଚନା ଅନୁଯାୟୀ ଗତ ମାର୍ଚ୍ଚ 24 ତାରିଖରୁ ଆଜି ପର୍ଯ୍ୟନ୍ତ ରାଜ୍ୟରେ 6994ଟି ମାମଲା ରୁଜୁ ହୋଇଛି । ଏଥିରେ ଗତ 24 ଘଣ୍ଟା ମଧ୍ୟରେ କେବଳ 16ଟି ମାମଲା ରୁଜୁ ହୋଇଛି । ଏଥିମଧ୍ୟରୁ 14ଟି ମାମଲା ତାଲାବନ୍ଦ ନିୟମ ଉଲଙ୍ଘନ ଅଭିଯୋଗରେ ରହିଥିବା ବେଳେ ଅନ୍ୟ 2ଟି ମାମଲା ଅନ୍ୟାନ୍ୟ କାରଣରୁ ରୁଜୁ ହୋଇଥିବା ଜଣା ପଡିଛି । ଏନେଇ ସୂଚନା ଦେଇଛି ରାଜ୍ୟ ପୋଲିସ ମୁଖ୍ୟାଳୟ ।

କଟକରୁ ନାରାୟଣ ସାହୁ, ଇଟିଭି ଭାରତ