ସରକାରୀ ଜମି ବିକ୍ରି ଅଭିଯୋଗରେ ୬ ମାଫିଆ ଗିରଫ

ଚୌଦ୍ବାର ଅଞ୍ଚଳରେ ସକ୍ରିୟ ଜମି ମାଫିଆ । ସରକାରୀ ଜମିକୁ ବିକ୍ରି କରିବା ଅଭିଯୋଗରେ ୬ମାଫିଆ ଗିରଫ । ଅଧିକ ପଢନ୍ତୁ...

କଟକ: ଚୌଦ୍ବାର ଅଞ୍ଚଳରେ ସକ୍ରିୟ ଜମି ମାଫିଆ। ସରକାରୀ ଜମିକୁ କବଜା କରି ବିକ୍ରୟ କରି ମାଲାମାଲ ହେଉଛନ୍ତି ଜମି ମାଫିଆ। ଏଭଳି ଅଭିଯୋଗ ଆସିବା ପରେ ୬ ଜମି ମାଫିଆଙ୍କୁ ଗିରଫ କରିଛି ଚୌଦ୍ବାର ଥାନା ପୋଲିସ।

ସୂଚନା ଅନୁଯାୟୀ ଶିତେଶ ମହାନ୍ତି ନାମକ ଜଣେ ବ୍ୟକ୍ତି ଜମି କିଣିବା ପାଇଁ ଏହି ମାଫିଆ ମାନଙ୍କୁ ୧ ଲକ୍ଷ ୪୦ ହଜାର ଟଙ୍କା ଦେଇଥିଲେ । ମାତ୍ର ଜମିରେ କାମ କରିବାକୁ ଗଲା ବେଳକୁ ଏହି ମାଫିଆମାନେ ଆହୁରି ଅଧିକ ଟଙ୍କା ଦେବାକୁ କହିଥିଲେ। ଏପରିକି ଧମକ ଚମକ ଦେଇଥିଲେ। ଏନେଇ ସମ୍ପୃକ୍ତ ବ୍ୟକ୍ତି ଜଣକ ଚୌଦ୍ବାର ଥାନାରେ ମାମଲା ରୁଜୁ କରିଥିଲେ। ପୋଲିସ ଘଟଣାର ତଦନ୍ତ କରି ୬ ମାଫିଆଙ୍କୁ ଗିରଫ କରିଛି। କେବଳ ସେତିକି ନୁହେଁ ସେମାନଙ୍କ ଠାରୁ ଗୋଟିଏ ବନ୍ଧୁକ ଓ ଗୁଳି ଜବତ କରିଛି ପୋଲିସ। ଚୌଦ୍ବାର ଅଞ୍ଚଳରେ ଅନେକ ଜମି ମାଫିଆ ଗ୍ୟାଙ୍ଗ ରହିଥିବା କଟକ ଡିସିପି କହିଛନ୍ତି। ତେବେ ସେମାନଙ୍କ ବିରୋଧରେ ପୋଲିସ କାର୍ଯ୍ୟାନୁଷ୍ଠାନ ନେବ ବୋଲି ଡିସିପି ସୂଚନା ଦେଇଛନ୍ତି।

କଟକରୁ ନାରାୟଣ ସାହୁ, ଇଟିଭି ଭାରତ