କଟକ: ନୟାଗଡ଼ ଜିଲ୍ଲା ଶରଣ କୂଳ ଥାନା ଅନ୍ତର୍ଗତ ଖଲିପାଟଣା ଗ୍ରାମରେ କଙ୍ଗାରୁ କୋର୍ଟ ବସିବା ଅଭିଯୋଗ । ଗ୍ରାମର ୧୫ ରୁ ଅଧିକ ପରିବାରକୁ ବାହାର କରିଦେବା ମାମଲାରେ ହସ୍ତକ୍ଷେପ କରିଛନ୍ତି ଜାତୀୟ ମାନଵଧିକାର କମିଶନ । ୨୦୦୭ରୁ ଏହି ପରିବାର ଲୋକଙ୍କୁ ଗ୍ରାମରେ ପଶିବାକୁ ଦିଆଯାଉନାହିଁ । ପୋଲିସ ଓ ପ୍ରଶାସନର ନିଷ୍କ୍ରିୟତା ବିରୋଧରେ ଆବେଦନକାରୀ ଏନେଇ ଜାତୀୟ ମାନବଧିକାର କମିଶନଙ୍କ ନିକଟରେ ଏକ ପିଟିସନ ଦାୟର କରିଛନ୍ତି ।
ଜିଲ୍ଲାପାଳ ଓ ଏସପିଙ୍କୁ ରିପୋର୍ଟ ତଲବ
କମିଶନ ଏହାକୁ ଗ୍ରହଣ କରି ନୟାଗଡ଼ ଜିଲ୍ଲାପାଳ ଓ ଏସପିଙ୍କୁ ନୋଟିସ ଜାରି କରିବା ସହ ଏହି ମାମଲାରେ କେଉଁ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି, ତାହା ଜଣାଇବାକୁ କମିଶନ ନିର୍ଦେଶ ଦେଇଛନ୍ତି । ସୂଚନାଯୋଗ୍ୟ ୨୦୦୭ ମସିହାରେ ଗ୍ରାମରେ କଙ୍ଗାରୁ କୋର୍ଟ ବସାଇ ଗୋପବନ୍ଧୁ ଜେନା, ରବି ପ୍ରଧାନ, ଯୁଧିଷ୍ଠିର କରଣ, ନନ୍ଦ କିଶୋର ଜେନା, ବ୍ରଜ କିଶୋର ଜେନାଙ୍କ ସମେତ ୧୫ ରୁ ଅଧିକ ପରିବାରକୁ ବାସନ୍ଦ କରାଯାଇଥିଲା ।