ନିର୍ଗୁଣ୍ଡି ରେଳ ଦୁର୍ଘଟଣାର ତଦନ୍ତ ଆରମ୍ଭ: ମାସେ ଭିତରେ ଆସିବ ରିପୋର୍ଟ

ନିର୍ଗୁଣ୍ଡିଠାରେ ଲୋକମାନ୍ୟ ତିଲକ ଏକ୍ସପ୍ରେସ ଦୁର୍ଘଟଣାରେ ତଦନ୍ତ ଆରମ୍ଭ ହୋଇଛି । ରେଳବାଇ ସୁରକ୍ଷା କମିଶନର ଅଭୟ କୁମାର ରାଏ କଟକ ରେଳ ଷ୍ଟେସନ ସାମନାରେ ଥିବା ରେଳବାଇ ରେଷ୍ଟ ହାଉସରେ କ୍ୟାମ୍ପ କରି ଘଟଣାର ଆଜି ତଦନ୍ତ ଆରମ୍ଭ କରିଛନ୍ତି । ମାସେ ଭିତରେ ରିପୋର୍ଟ ଆସିବ ବୋଲି ସେ କହିଛନ୍ତି ।

କଟକ: ନିର୍ଗୁଣ୍ଡିଠାରେ ଲୋକମାନ୍ୟ ତିଲକ ଏକ୍ସପ୍ରେସ ଦୁର୍ଘଟଣାର ଆରମ୍ଭ ହୋଇଛି ତଦନ୍ତ। ରେଲୱେ ସୁରକ୍ଷା କମିଶନର ଅଭୟ କୁମାର ରାଏ କଟକ ରେଳ ଷ୍ଟେସନ ସାମନାରେ ଥିବା ରେଲୱେ ରେଷ୍ଟ ହାଉସରେ କ୍ୟାମ୍ପ କରି ଘଟଣାର ଆଜି ତଦନ୍ତ ଆରମ୍ଭ କରିଛନ୍ତି ।

ଏହି ତଦନ୍ତରେ ରେଲୱର 8 ଟି ବିଭାଗରେ କାର୍ଯ୍ୟ କରୁଥିବା ପ୍ରାୟ 60 ରୁ 80 ଜଣଙ୍କର ବୟାନ ରେକର୍ଡ କରାଯିବ । ଏହାସହ ଗୋଟିଏ ମାସ ମଧ୍ୟରେ ତଦନ୍ତ ରିପୋର୍ଟ ଦାଖଲ କରାଯିବ ବୋଲି କହିଛନ୍ତି ରେଳବାଇ ସୁରକ୍ଷା କମିଶନର ଅଭୟ କୁମାର ରାଏ । ପରେ ରେଲୱେ ପକ୍ଷରୁ ଉପଯୁକ୍ତ ପଦକ୍ଷେପ ନିଆଯିବ ବୋଲି କହିଛନ୍ତି ସୁରକ୍ଷା କମିଶନର । ଏହାସହ ସୁରକ୍ଷା କମିଶନର ଗତକାଲି ଘଟଣାସ୍ଥଳ ପରିଦର୍ଶନ କରିଛନ୍ତି ।

ଅନ୍ୟପଟେ ଟ୍ରେନ ଦୁର୍ଘଟଣା ହେବାପରେ ଯାତ୍ରୀଙ୍କୁ ସଙ୍ଗେସଙ୍ଗେ ଉଦ୍ଧାର କରାଯାଇଥିଲା। ବସ ମାଧ୍ୟମରେ ଆହତଙ୍କୁ ସଙ୍ଗେସଙ୍ଗେ ଏସସିବି ମେଡିକାଲରେ ଭର୍ତ୍ତି କରାଯାଇଥିଲା। ତେବେ ଆହତଙ୍କୁ କ୍ଷତି ପୂରଣ ଦିଆଯାଇଛି ବୋଲି କହିଛନ୍ତି ପୂର୍ବତଟ ରେଳବାଇ ସୁରକ୍ଷା ଅଧିକାରୀ ସୁଧାଂଶୁ ଶେଖର ମିଶ୍ର ।

କଟକରୁ ପ୍ରଭୁ କଲ୍ୟାଣ ପାଲ, ଇଟିଭି ଭାରତ