କଟକ: ପୋଲିସ ହାତରେ ଆନ୍ତଃଜିଲ୍ଲା ଡକାୟତ ଗ୍ୟାଙ୍ଗ । ବନ୍ଧୁକ ମୁନରେ ଲୁଟ କରୁଥିଲେ ବାଇକ ଓ ଅନ୍ୟାନ୍ୟ ଜିନିଷ । ଥାନାରେ ମାମଲା ପରେ ଦରଘା ବଜାର ଥାନା ପୋଲିସ ଅଭିଯୁକ୍ତଙ୍କୁ ଗିରଫ କରିଛି ।
ସୂଚନା ଅନୁସାରେ ଗତକାଲି ଅପରାହ୍ନ ସମୟରେ ସ୍ଥାନୀୟ ଅଞ୍ଚଳରେ ଥିବା ଗୌରୀ ଶଙ୍କର ପାର୍କ ପଛ ରାସ୍ତାରେ ବାଇକ ଆରୋହୀ ଅବଦୁଲ ଫୟାଜଉଦିନ ଛିଡା ହୋଇଥିଲାବେଳେ ହଠାତ ଗୋଟିଏ ବାଇକରେ 3 ଜଣ ଦୁର୍ବୃତ୍ତ ଆସି ଫୟାଜଉଦିନଙ୍କୁ ବନ୍ଧୁକ ଦେଖାଇ ବାଇକ ମାଗିଥିଲେ । ମାତ୍ର ସେ ମନା କରିବାରୁ ତାଙ୍କୁ ହତ୍ୟା ଧମକ ଦେଇଥିଲେ ଦୁର୍ବୃତ୍ତ । ଶେଷରେ ଜୋର ଜବରଦସ୍ତ ବାଇକକୁ ନେଇ ଫେରାର ହୋଇ ଯାଇଥିଲେ ଡକାୟତ ।
କମିଶନରେଟ ପୋଲିସ ହାତରେ ଆନ୍ତଃଜିଲ୍ଲା ବାଇକ ଲୁଟେରା ଗ୍ୟାଙ୍ଗ
ଏହାପରେ ଅବଦୁଲ ଏନେଇ ଦରଘା ବଜାର ଥାନାରେ ଲିଖିତ ଅଭିଯୋଗ କରିଥିଲେ । ପରେ ପୋଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା । ଶେଷରେ ଆଜି ଏହି ଡକାୟତ ଗ୍ୟାଙ୍ଗର ଦୁଇ ଜଣଙ୍କୁ ଗିରଫ କରିଛି ପୋଲିସ ।