ଲକଡାଉନ ନିୟମ ଉଲ୍ଲଂଘନ, ଗତ 24 ଘଣ୍ଟାରେ ରାଜ୍ୟରେ 12 ମାମଲା ରୁଜୁ

ତାଲାବନ୍ଦ ନିୟମକୁ ଉଲ୍ଲଂଘନ କରିବା ଅଭିଯୋଗରେ ରାଜ୍ୟରେ ଥିବା ବିଭିନ୍ନ ଥାନାରେ ଏଯାବତ୍‌ ମୋଟ 6290ଟି ମାମଲା ରୁଜୁ ହୋଇ ସାରିଛି । ଗତ ମାର୍ଚ୍ଚ 24 ତାରିଖଠାରୁ ମେ’ 24 ଯାଏଁ ଏ ସମସ୍ତ ମାମଲା ରୁଜୁ କରାଯାଇଥିବା ପୋଲିସ ମୁଖ୍ୟାଳୟ ପକ୍ଷରୁ ସୂଚନା ଦିଆଯାଇଛି ।

କଟକ: ତାଲାବନ୍ଦ ନିୟମକୁ ଉଲ୍ଲଂଘନ କରିବା ଅଭିଯୋଗରେ ରାଜ୍ୟରେ ଥିବା ବିଭିନ୍ନ ଥାନାରେ ଏଯାବତ୍‌ ମୋଟ 6290ଟି ମାମଲା ରୁଜୁ ହୋଇ ସାରିଛି । ଗତ ମାର୍ଚ୍ଚ 24 ତାରିଖଠାରୁ ମେ’ 24 ଯାଏଁ ଏ ସମସ୍ତ ମାମଲା ରୁଜୁ କରାଯାଇଥିବା ପୋଲିସ ମୁଖ୍ୟାଳୟ ପକ୍ଷରୁ ସୂଚନା ଦିଆଯାଇଛି । କେବଳ ଶନିବାର ସକାଳୁ ରବିବାର ସକାଳ ପର୍ଯ୍ୟନ୍ତ ରାଜ୍ୟର ବିଭିନ୍ନ ଥାନାରେ 12 ଟି ମାମଲା ରୁଜୁ କରାଯାଇଥିବା ଜଣାପଡିଛି ।

ତେବେ ଗତ 24 ଘଣ୍ଟାରେ ରୁଜୁ ହୋଇଥିବା ଏହି 12ଟି ମାମଲା ମଧ୍ୟରୁ 8ଟି ମାମଲା ତାଲାବନ୍ଦ ନିୟମ ଉଲ୍ଲଂଘନ କରିବା ଅଭିଯୋଗରେ ରୁଜୁ କରାଯାଇଥିବା ବେଳେ 3ଟି ମାମଲା ଲକଡାଉନ ନିୟମ ଉଲ୍ଲଂଘନ କରିବା ଅଭିଯୋଗରେ ରୁଜୁ କରାଯାଇଛି । ସେହିପରି ଗୋଟିଏ ମାମଲା ଗୁଜବ ସୃଷ୍ଟି କରିବା ଅଭିଯୋଗରେ ରୁଜୁ କରାଯାଇଥିବା ରାଜ୍ୟ ପୋଲିସ ମୁଖ୍ୟାଳୟ ପକ୍ଷରୁ ସୂଚନା ଦିଆଯାଇଛି।

କଟକରୁ ନାରାୟଣ ସାହୁ, ଇଟିଭି ଭାରତ