କଟକ: କଲ୍ୟାଣୀ ନଗର ଅନ୍ଦରପୁରରେ ବସ୍ତିବାସୀନ୍ଧାଙ୍କ ପାଇଁ EWS ତିଆରି ଘରକୁ ବେଆଇନ ଭାବେ ବିକ୍ରି କରି ଲକ୍ଷାଧିକ ଟଙ୍କା ହଡପ ଅଭିଯୋଗରେ ଗିରଫ ରାଜା କରଣକୁ ତିନି ଦିନିଆ ରିମାଣ୍ଡରେ ନେବ କମିଶନରେଟ ପୋଲିସ । ଏନେଇ ଅନୁମତି ଦେଇଛନ୍ତି ତଳ କୋର୍ଟ । ରିମାଣ୍ଡରେ ନେବାପାଇଁ କମିଶନରେଟ ପୋଲିସ ତଳ କୋର୍ଟରେ ଆବେଦନ କରିଥିଲା ।
ସୂଚନାଯୋଗ୍ୟ, ୫୩ ନମ୍ବର ୱାର୍ଡର ପୂର୍ବତନ ବିଜେଡି କର୍ପୋରେଟରଙ୍କ ସ୍ୱାମୀ ରାଜା କରଣକୁ ଗିରଫ କରି ଆଜି(ଶନିବାର) କୋର୍ଟଚାଲାଣ କରିଥିଲା ମଧୁପାଟଣା ଥାନା ପୋଲିସ । ଠକେଇର ଶିକାର ହୋଇଥିବା ଅନେକ ବସ୍ତିବାସିନ୍ଦାଙ୍କ ଅଭିଯୋଗ ପରେ ପୋଲିସ ଏନେଇ ଅଧିକ ତଦନ୍ତ ଜାରି ରଖିଥିଲା । ସେପଟେ ରାଜା ବିରୋଧରେ ଏବେ ଅଭିଯୋଗର ଫର୍ଦ୍ଦ ଲମ୍ବି ଚାଲିଛି। । ଗିରଫ ସମୟରେ 14 ଲକ୍ଷ 90 ହଜାର ଟଙ୍କା ଜବତ କରିଛି ପୋଲିସ । ଏହାସହ ଅଧିକ ତଦନ୍ତ ଜାରି ରହିଛି ପୋଲିସ ।