କଟକ ଅଣାଗଲା ହାଇଦର କାର, ତେଲେଙ୍ଗାନାରୁ ହୋଇଥିଲା ଜବତ

ଏସସିବି ବଡ଼ ଡାକ୍ତରଖାନାରୁ ଗ୍ୟାଙ୍ଗଷ୍ଟାର ହାଇଦର ଫେରାର ମାମଲାରେ ହାଇଦର ବ୍ୟବହାର କରିଥିବା କାରକୁ ତେଲେଙ୍ଗାନାରୁ ଆଣିଲା କଟକ ମଙ୍ଗଳାବାଗ ଥାନା ପୋଲିସ । ଅଧିକ ପଢନ୍ତୁ...

କଟକ: ଜବତ ହେଲା ହାଇଦରର କାର । ଏସସିବି ବଡ଼ ଡାକ୍ତରଖାନାରୁ ଗ୍ୟାଙ୍ଗଷ୍ଟାର ହାଇଦର ଫେରାର ମାମଲାରେ ହାଇଦର ବ୍ୟବହାର କରିଥିବା କାରକୁ ତେଲେଙ୍ଗାନାରୁ ଆଣିଲା କଟକ ମଙ୍ଗଳାବାଗ ଥାନା ପୋଲିସ । ଏହି କାରକୁ ନେଇ ଆହୁରି ତଦନ୍ତ ଜାରି ରଖିଛି କମିଶନରେଟ ପୋଲିସ ।

ପ୍ରକାଶ ଥାଉକି, ଗୁରୁବାର ହାଇଦରକୁ ହାଇଦ୍ରାବାଦରୁ ଧରିବାରେ ସଫଳ ହୋଇଥିଲା କମିଶନରେଟ ପୋଲିସ । କମିଶନରେଟ ପୋଲିସ ତାକୁ ରିମାଣ୍ଡରେ ଆଣି କାହିଁକି ଫେରାର ହୋଇଥିଲା, ଓ ଫେରାର ପଛରେ କେଉଁମାନେ ସହଯୋଗୀ ରହିଥିଲେ ସେନେଇ ପଚାରଉଚରା କରିଥାନ୍ତା । ମାତ୍ର ହାଇଦର କୋରୋନାରେ ଆକ୍ରାନ୍ତ ହୋଇଥିବାରୁ ହାଇଦର ରିମାଣ୍ଡକୁ ସ୍ଥଗିତ ରଖାଯାଇଛି ।

କଟକରୁ ପ୍ରଭୁକଲ୍ୟାଣ ପାଲ, ଇଟିଭି ଭାରତ