କଟକ: ଗଞ୍ଜେଇ ଚାଲାଣର ନୂଆ ଫଣ୍ଡା । ଗାଡି ଡାଲା ତଳେ ଗଞ୍ଜେଇ ଚାଲାଣ କରୁଥିବା ବେଳେ 102 କେଜି 500 ଗ୍ରାମର ଗଞ୍ଜେଇ ଜବତ ସହ ୨ ଜଣଙ୍କୁ ଗିରଫ କଲା ଅବକାରୀ ବିଭାଗ । ଟାଙ୍ଗୀ ଜାତୀୟ ରାଜପଥରୁ ଜବତ ହୋଇଛି ଏହି ସବୁ ଗଞ୍ଜେଇ । ଯାହାର ଆନୁମାନିକ ମୂଲ୍ୟ ୫ଲକ୍ଷ ଟଙ୍କାରୁ ଊର୍ଦ୍ଧ୍ବ ହେବା ନେଇ କହିଛନ୍ତି ଅବକାରୀ ଅଧିକାରୀ ।
ଗାଡି ଡାଲା ତଳେ ହେଉଥିଲା ଗଞ୍ଜେଇ ଚାଲାଣ, ୨ଜଣଙ୍କୁ ଗିରଫ କଲା ଅବକାରୀ ବିଭାଗ
ସୂଚନାନୁଯାୟୀ, ଗତକାଲି ରାତିରେ ଏକ ପିକଅପ ଭ୍ୟାନରେ ଗଞ୍ଜେଇ ଚାଲାଣ ହେଉଥିବା ଖବର ପାଇଁ ଷ୍ଟେଟ ଫ୍ଲାଇଙ୍ଗ ସ୍ୱାର୍ଡ ଟାଙ୍ଗୀ ଅଞ୍ଚଳରେ ପାଟ୍ରୋଲିଂ ଚାଲିଥିଲା । ଏହି ସମୟରେ କନ୍ଧମାଳରୁ ଯାଜପୁର ଅଭିମୁଖେ ଯାଉଥିବା ଏକ ପିକଅପ ଭ୍ୟାନକୁ ଅଟକାଇଥିଲା । ଗାଡିର ଯାଞ୍ଚ ସମୟରେ ଏକ ସିକ୍ରେଟ ଚାମ୍ବରରୁ ଗଞ୍ଜେଇ ଜବତ କରାଯାଇଥିଲା । କନ୍ଧମାଳରୁ କୋଲକାତାକୁ ଏହି ଗଞ୍ଜେଇ ଚାଲାଣ ହେଉଥିବା କହିଛନ୍ତି ଦୁଇ ଅଭିଯୁକ୍ତ ।