କଟକ:ଗିରଫ ହେଲା କୁଖ୍ୟାତ ଅପରାଧୀ ଉମର ଫାରୁକ୍ । ଦୁଇ ବର୍ଷ ଧରି ତେଲେଙ୍ଗାନାରୁ ଫେରାର ଥିବା ବେଳେ ଗତକାଲି(ବୁଧବାର) ରାତିରେ ଫାରୁକକୁ ଚଳନ୍ତା ଟ୍ରେନରୁ ଗିରଫ କରିଛି କଟକ ରେଳବାଇ ପୋଲିସ । କରମଣ୍ଡଳ ଏକ୍ସପ୍ରେସରେ ଚେନ୍ନାଇ ଯାଉଥିଲା ବେଳେ କଟକ ଷ୍ଟେସନରୁ ଗିରଫ କରିଛି ରେଳବାଇ ପୋଲିସ ।
କଟକରୁ ଧରାପଡିଲା ତେଲେଙ୍ଗାନାର ମୋଷ୍ଟ ୱାଣ୍ଟେଡ୍ କ୍ରିମିନାଲ ଉମର ଫାରୁକ
ସୂଚନାଅନୁସାରେ, ଫାରୁକ୍ ଏକ ହତ୍ୟା ମାମଲାରେ ଦୁଇ ବର୍ଷ ହେବ ତେଲେଙ୍ଗାନାର ରାଏ ଦୁର୍ଗମ ଥାନା ଅଞ୍ଚଳରୁ ଫେରାର ହୋଇଯାଇଥିବା ବେଳେ ଫାରୁକକୁ ମୋଷ୍ଟ ଓ୍ବାଣ୍ଟେଡ କ୍ରିମିନାଲ ଘୋଷଣା କରିଥିଲା ସ୍ଥାନୀୟ ପୋଲିସ । ତେବେ ଅପରାଧ ଘଟାଇ ଫେରାର ହେବା ପରେ ଫାରୁକକୁ ଗିରଫ କରିବା ପୋଲିସ ପାଇଁ ସୃଷ୍ଟି ହୋଇଥିଲା ବଡ଼ ଚାଲେଞ୍ଜ ।