ମାଛ ଦୋକାନୀର ଝୁଲନ୍ତା ମୃତଦେହ ଉଦ୍ଧାର, ହତ୍ୟା ଅଭିଯୋଗ

ସାଲେପୁର ଥାନା ବୋଦାମୁଣ୍ଡାଇରୁ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର । ହତ୍ୟା ଅଭିଯୋଗ ଆଣିଲେ ପରିବାର ।

କଟକ: ଝୁଲନ୍ତା ଅବସ୍ଥାରେ ଯୁବକଙ୍କ ମୃତଦେହ ଉଦ୍ଧାର। କଟକ ଜିଲ୍ଲା ସାଲେପୁର ଥାନା ବୋଦାମୁଣ୍ଡାଇରୁ ଉଦ୍ଧାର ହୋଇଛି ଏହି ମୃତଦେହ। ପ୍ରଥମେ ମୃତଦେହ ଦେଖି ସାଲେପୁର ଥାନାକୁ ଗାଁ ଲୋକେ ଖବର ଦେଇଥିଲେ। ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛନ୍ତି।

ମୃତ ଯୁବକ ଜଣକ ହେଉଛନ୍ତି କାର୍ତ୍ତିକ ସେଠୀ। ସେ ଦୀର୍ଘ ବର୍ଷ ହେବ ବୋଦାମୁଣ୍ଡାଇ ବଜାରରେ ମାଛ ଦୋକାନ କରିଥିଲେ। ତେବେ ପୁଅକୁ କେହି ମାରି ଗଛରେ ଟାଙ୍ଗି ଦେଇଥିବା ନେଇ ପରିବାର ପକ୍ଷରୁ ସାଲେପୁର ଥାନାରେ ଅଭିଯୋଗ ହୋଇଛି ।

କଟକରୁ ନାରୟଣ ସାହୁ,ଇଟିଭି ଭାରତ