କଟକ: ସିଲଭରସିଟିରେ ବଡ ଦୁଃଖ । କମୁନି ଆଳିଆ ଆବର୍ଜନାର ପରିମାଣ । ରାସ୍ତା କଡ଼ରେ କୁଢ କୁଢ ଅଳିଆ । ଯେତେ ଆଲୋଚନା ପର୍ଯ୍ୟାଲୋଚନା ହେଲେ ମଧ୍ୟ ସ୍ଥିତି ସୁଧୁରିବାର ନାଁ ଧରୁନି । ଯାହାକୁ ନେଇ ଅନେକ ଅସୁବିଧାର ସମ୍ମୁଖୀନ ହେଉଛନ୍ତି ସାଧାରଣ ଜନତା । ତେବେ ଏହି ସ୍ଥିତି କେବେ ସୁଧୁରିବ ତାହା ଏବେ ପ୍ରଶ୍ନବାଚୀ ସୃଷ୍ଟି ହୋଇଛି ।
ଗଳି ଗଳିରେ କୁଢ କୁଢ ଅଳିଆ,ଚିନ୍ତାରେ କଟକିଆ
ତେବେ କଟକର ଏହି ସ୍ଥିତି ପାଇଁ ଜିଲ୍ଲା ପ୍ରଶାସନ ଓ ମହାନଗର ନିଗମ ଦାୟୀ ବୋଲି କହିଛନ୍ତି କଟକ ବାସିନ୍ଦା । ଏପଟେ ଲୋକ ମାନଙ୍କ ସ୍ବର ସହ ସ୍ବର ମିଶାଇଛନ୍ତି ପୂର୍ବତନ ସିଏମସି କର୍ପୋରେଟର ଅରୁଣ ସେଠି । ସହରର ପରିମଳ ବ୍ୟବସ୍ଥା ସମ୍ପୂର୍ଣ୍ଣ ରୂପେ ଭୁଶୁଡି ଯାଇଛି ଏହାଛଡା ମହାନଗର ନିଗମରେ ନିର୍ବାଚନ ବିଳମ୍ବ ହେଉଥିବାରୁ ଏହି ଦୃଶ୍ୟ ଦେଖିବାକୁ ମିଳୁଛି ବୋଲି ଅଭିଯୋଗ କରିଛନ୍ତି ପୂର୍ବତନ କର୍ପୋରେଟର ।