କଟକ: ରାଜ୍ୟ ଉଚ୍ଚ ନ୍ୟାୟାଳୟରେ ରୁଜୁ ହୋଇଛି ଏକ ଜନସ୍ବାର୍ଥ ମାମଲା । ଗଜପତି ଜିଲ୍ଲା ମହିଳା ସାବିତ୍ରୀ ବାଇ ଫୁଲେ ସ୍ବୟଂ ସହାୟିକା ଗୋଷ୍ଠୀ ଏହି ଜନସ୍ବାର୍ଥ ମାମଲା ରୁଜୁ କରିଛି । ମାଇକ୍ରୋ ଫାଇନାନ୍ସ କମ୍ପାନୀ ଋଣ ଯୋଗାଇ ଦେବାକୁ କହି ସେଥିରେ ହେରଫେର୍ କରିଥିବା ଅଭିଯୋଗରେ ଜନସ୍ବାର୍ଥ ମାମଲା ରୁଜୁ ହୋଇଛି ।
ହାଇକୋର୍ଟରେ ଏକ ଜନସ୍ବାର୍ଥ ମାମଲା ରୁଜୁ କଲା ଗଜପତି ଏସଏଚଜି ଗ୍ରୁପ
ସୂଚନା ଅମୁଯାୟୀ ଗଜପତି ଜିଲ୍ଲା ମୋହନା ଅଞ୍ଚଳର ସାବିତ୍ରୀ ବାଇ ଫୁଲେ ସ୍ବୟଂ ସହାୟିକା ଗୋଷ୍ଠୀର ଆଦିବାସୀ ମହିଳାମାନଙ୍କୁ ଋଣ ଯୋଗାଇ ଦେବାକୁ କହି ମାଇକ୍ରୋ ଫାଇନାନ୍ସ କମ୍ପାନୀ ଲୁଟି ଚାଲିଥିବା ଅଭିଯୋଗ ଆସିଛି । ସ୍ୱୟଂ ସହାୟିକା ଗୋଷ୍ଠୀଙ୍କୁ ଅଳ୍ପ ସୁଧରେ ଋଣ ପ୍ରଦାନ କରିବାର ଲୋଭ ଦେଖାଇ ଏହି କମ୍ପାନୀଗୁଡିକ କୋରୋନା ମହାମାରୀ ସମୟରେ ଜୋର ଜବରଦସ୍ତ ସୁଧ ଆଦାୟ କରୁଛନ୍ତି । ଏନେଇ ପୋଲିସ ଓ ଜିଲ୍ଲା ପ୍ରଶାସନ ନିକଟରେ ଅଭିଯୋଗ କରିଥିଲେ ମଧ୍ୟ କୌଣସି ସୁଫଳ ମିଳିନାହିଁ ।